एजेन्सी – प्रिमियर लिग क्लबका प्रशिक्षक ओले गनर सोल्सायरले बुढो भन्दै हुने चर्चा क्रिस्टियानो रोनाल्डोलाई मन पर्ने बताएका छन्। वल्भ्ससँगको खेल अगाडी पत्रकारहरुसँग कुराकानी गर्नेक्रममा सोल्सायरले बुढो भन्दै हुने टिप्पणी रोनाल्डोलाई मन पर्ने बताएका हुन्।
बुढो भन्दा हुने टिप्पणीले रोनाल्डोलाई अझ बढी प्रेरित गर्ने सोल्सायरले बताए। त्यस्तै आलोचना र टिप्पणीबाट प्रेरित भएर रोनाल्डोले शतप्रतिशत दिएर देखाउने सोल्सायरको भनाई छ।
“मलाई थाहा छ, रोनाल्डोलाई बुढो भन्दै हुने सबै टिप्पणी मन पर्छ। त्यसलाई उनी मनमै लिन्छन् र गर्नुपर्ने जे हो हो त्यो देखाउँछन्।”,रोनाल्डोको विषयमा बोल्दै सोल्सायरले भने।
रोनाल्डो सहितको स्क्वाड बनाउन आफू धेरै उत्साहित रहेको पनि सोल्सायरले बताए। रोनाल्डोलाई लिएर युनाइटेडका सम्पूर्ण खेलाडीहरु उत्साहित रहेको सोल्सायरले जानकारी गराए।
“म टोली निर्माणको कार्य जारी राख्न धेरै नै उत्साहित छु। रोनाल्डोले पक्कै केहि न केहि भिन्न ल्याउनेछन्।”,उनले भने,”मलाई लाग्छ सबैजना क्रिस्टियानोसँग काम गर्न उत्साहित छन्।”
रोनाल्डोको उपस्थितले टीमलाई बलियो बनाउने आफूहरुको अभियानलाई टेवा पुग्ने सोल्सायरको विश्वास छ। उनले युवा खेलाडी र अनुभवी खेलाडी दुवै हुँदा युनाइटेडको टीम अझ आत्मविश्वास बढ्ने उनले बताए। क्रिस्टियानोले आफ्नो करियरमा हाल सम्मको समयमा जे गरिरहेका छन्, त्यहि गर्ने सोल्सायरको अनुमान छ। युनाइटेड छाडेपछि रोनाल्डो धेरै विकसित भएको र त्यसले अब युनाइटेडलाई धेरै लाभ पुर्याउने सोल्सायरले बताए।
उनले भने,”आशा छ यहाँ आएर क्रिस्टियानोले आफ्नो क्यारियरमा जे गरेका छन्, त्यहि गर्नेछन्। हामीलाई थाहा छ, उनी पछिल्लो पटक यहाँ भएको भन्दा धेरै अनुभवी भएका छन्, विकसित भएका छन्।”
