एजेन्सी – म्यानचेस्टर युनाइटेडका लेफ्ट ब्याक लुक शले क्रिस्टियानो रोनाल्डोको उच्च मानसिकताका कारण युनाइटेडका खेलाडीहरुको समेत मनोबल बढ्ने बताएका छन्।
एक मिडियासँग कुराकानी गर्नेक्रममा शले रोनाल्डोको मानसिकता र त्यसले युनाइटेडको स्क्वाडमा पार्ने असरका बारेमा चर्चा गर्ने क्रममा त्यस्तो बताएका हुन्।
शले मानसिकताको मामलामा रोनाल्डो कहिले पनि दोस्रो नहुने र त्यसले पूरा टोलीलाई नै प्रेरित गर्ने बताए। रोनाल्डोसँगै ड्रेसिंग रुमा हुनु अविश्वसनीय रहेको शको भनाई छ।
“जब तपाईलाई थाहा छ उनी स्टार हुन्, उनी कयौं वर्ष देखि के गरिरहेका छन् भने उनी सँगै एकै ड्रेसिंग रुमा हुनु पक्कै पनि अविश्वसनीय हुन्छ।”,अन्तर्वार्ताका क्रममा उनले भने। रोनाल्डोको मानसिकताले पूरा टीमलाई नै प्रेरित गर्ने उनको भनाई छ।
उनले थप भने,”मानसिकताको मामलामा उनी कहिल्यै दोस्रो हुँदैनन्, जहिले पनि पहिलो नै हुन्छ्न्। त्यसले आसपासमा पनि धेरै परिवर्तन ल्याउँछ। त्यसको असर ड्रेसिंग रुमा पनि देख्न सकिन्छ”
के ‘रोनाल्डो प्रभाव’ले सुधारिएको नतिजाहरुको नेतृत्व गरेको छ?
एक टोली को रूप मा, म्यानचेस्टर युनाइटेड पछिल्लो सिजन भन्दा केहि राम्रो प्रदर्शन गरिरहेको छ। युनाइटेड प्रिमियर लिगमा १४ अंक सहित चौंथो स्थानमा छ। गएको सिजन अहिलेको समयमा एक खेल कम खेल्दा युनाइटेड १५ औं स्थानमा थियो।
रोनाल्डोले ६ खेल खेल्दा युनाइटेडका लागि ५ गोल गरेका छन्। च्याम्पियन्स लिगमा रोनाल्डोले भिल्लारियल विरुद्ध अन्तिम समयमा गोल गर्दै युनाइटेडलाई जिताएका थिए।
