काठमाडौँ – नेपाली बजारमा आज सुनको मूल्य स्थिर रहेको छ। पछिल्लो केहि दिन देखि घटिरहेको सुनको मूल्यमा बिहिबार कुनै पनि घटबढ भएन।
नेपाल सुन चाँदी व्यवसायी महासंघका अनुसार नेपाली बजारमा आज छापावाला सुन ९१ हजार ५ सयमा कारोबार भैरहेको छ भने तेजाबी सुन -९१ हजार रुपैंयाँमा कारोबार भैरहेको छ।
यस अगाडी सुनको मूल्य आइतबार २ सय रुपैंयाँले बढ्दा सोमबार र मंगलबार १ सय रुपैंयाँले घटेको थियो। त्यस्तै बुधबार भने सुनको मूल्य तोलामा ५ सय रुपैंयाँले घटेको थियो।
चाँदीको मूल्य
नेपाली बजारमा सुनको मूल्यमा कुनै परिवर्तन नभएपनि चाँदीको मूल्य भने घटेको छ। नेपाल सुन चाँदी व्यवसायी महासंघका अनुसार चाँदीको मूल्य तोलामा रु १० ले घटेर १ हजार १ सय ९० रुपैंयाँमा कारोबार भैरहेको छ।
