ग्यारी नेभिलले क्रिस्टियानो रोनाल्डो र ब्रुनो फर्नान्डेसलाई न्युक्यासलमा म्यानचेस्टर युनाइटेडको १-१ गोलको बराबरी पछि उनीहरूको शारीरिक भाषाको कारण आलोचना गरेका छन्।
२० पटकको इंग्लिस च्याम्पियनबाट अर्को निराशाजनक प्रदर्शन पछि, नेभिलले आफ्ना पूर्व टोली साथी रोनाल्डो न्युक्यासल यात्रा गरेका समर्थकहरूलाई धन्यवाद दिन आफ्नो टोलीका साथीहरुसँग सामेल नभई सिधै पिचबाट गएको निस्किएको मुद्दा उठाए। युनाइटेडमा रोनाल्डोसँगै तीनवटा प्रिमियर लिगको उपाधि जित्ने नेभिलले सोमबार नाइट फुटबलमा भने, “तपाईंको टोलीका साथीहरूलाई ती क्षणहरूमा तपाईंको आवश्यकता पर्दा तपाईं त्यहाँ हुनुपर्नेछ। दिनको अन्त्यमा, म त्यो केटा [रोनाल्डो] लाई माया गर्छु, उनी मेरो जीवनमा मैले देखेको सबैभन्दा उत्कृष्ट खेलाडी हुन्। तर यसरी भाग्नु हुँदैन। मलाई त्यो मन पर्दैन।”
“तपाईंले कस्तो खेल्नुभयो भन्ने मलाई मतलब छैन, तपाईंले खेलको अन्त्यमा फ्यानहरूलाई ताली बजाउन आवश्यक छ। उनीहरूलाई भेट्नुहोस्, विशेष गरी जब तपाईं विश्वको उत्कृष्ट खेलाडी हुनुहुन्छ, र सबै समयको उत्कृष्ट मध्ये एक हुनुहुन्छ,” उनले भने। सोचेको नतिजा हात नपरेपछि खेल सकिने बित्तिकै रोनाल्डो पिचबाट ड्रेसिङ रूमतर्फ लागेको यो पहिलो पटक भने हैन। उनले एभर्टन विरुद्ध १-१ को बराबरी खेल्दा र तत्कालिन प्रशिक्षक ओले गुन्नर सोल्स्कजायर वर्खास्त हुनु अघि वार्टफर्डसँग ४-१ को हारपछि पनि ५ पटकका बालोन डी ओर विजेताले सोहि हर्कत गरेका थिए।
“हामी शारीरिक भाषाको बारेमा कुरा गर्छौं। हामीले सिजनको सुरुमा यसको बारेमा कुरा गर्यौं जब रोनाल्डो एभर्टनको खेलको अन्त्यमा भागे। उनी आज राती फेरि भागेका छन्,” नेभिलले थपे, “उनी वाटफोर्डमा भागे, जब सबैलाई थाहा थियो कि प्रशिक्षक वर्खास्त हुन गइरहेका छन्। र नर्विचमा।”
