बलिउड अभिनेता शाहिद कपूर र ईशान खट्टरको हजुरआमा खादिजा अजीमको निधन भएको छ। ईशान खट्टरले सामाजिक संजाल इंस्टाग्राममार्फत यस कुराको जानकारी दिएका थिए ।
ईशानको उक्त पोस्टमा बलिउड स्टारहरुले शोक जनाइरहेका छन् । ईशान र शाहिद हजुरआमासँग खादिजा अजीमसंग निकै नजिक थिए। ईशानले इंस्टाग्राममा हजुरआमाको तस्विर शेयर गर्दै एक इमोशनल पोस्ट लेखेका छन् । खादिजा, नीलिमा अजीमकी आमा हुन् । ईशानले शेयर गरेको तस्विरमा खादिजा परिवारको अरु सदस्यसँग देखिएकी छिन् ।
सोशल मिडियामा ईशानले लेखेका छन्,”हजुरआमा तपाईले हामी भित्र ज्ञान, आगो , उद्देस्य र दृढता भरि दिनुभएको छ । तपाई एक स्वतन्त्रता सेनानी, लेखिका, अनुवादक र संपादक हुनुभन्दा पहिला एक आमा , बहिनि , श्रीमती , हजुरआमा र एक साथी हुनुहुन्थ्यो । मेरो जीवनमा तपाई पाएकोमा धेरै धन्य छु । म सधैँ तपाईको अस्तित्वको हिस्सा आफु सँग सजाएर राख्नेछु । मेरो जीवन तपाईको मायाबाट निकै प्रभावित रहेको छ ।”
ईशानको यस पोस्टमा जान्हवी कपूर, अंशुला कपूर, विक्रांत मेस्सी र सोभिता धुलिपालाले पनि कमेन्ट गरेका छन् । कामको कुरा गर्दा ईशान छिट्टै अनन्या पाण्डेसँग फिल्म खाली पीलीमा देखिनेछन् भने शाहिद फिल्म ए सुटेबल ब्वायमा देखिनेछन् । शाहिद छिट्टै जर्सीको हिन्दी रिमेकको शुटिंग गर्नेछन् ।
