चेल्सीका टार्गेट रहेका लियोनल मेस्सीले २०१४ मा एक गोप्य सम्झौतामा ब्लुजसँग सामेल हुन निकै नजिक पुगेका थिए। यस्तोमा अहिलेको समय मेस्सी पीएसजीमा खुसी नभएको खबर आउँदा चेल्सी मालिक रोमन अब्रामोभिचको कान ठाडो परेको हुनुपर्छ।
३४ वर्षीय स्टार खेलाडीले सन् २०२१ मा अन्तत: लामो समयपछि आर्थिक सङ्कटले घेरिएको बार्सिलोनालाई अलविदा भन्दै फ्रेन्च राजधानी पुगेका थिए। तर पेरिसमा उनले राम्रो सुरुवात गर्न त परको कुरा कोरोना भाइरस सम्बन्धि समस्या र क्लब प्रशिक्षक माउरिसियो पोचेटिनोसँगको मनमुटाव पैदा भएको छ।
यसैबीच, एट्लेटिको म्याड्रिडका स्टार यानिक क्यारास्कोले स्पेनिस मिडियालाई साहसी भई भविष्यवाणी गरेका छन् कि यदि यो सिजन पीएसजीले च्याम्पियन्स लिग जित्न सकेन भने ‘GOAT’ ले पेरिस छोड्ने अपेक्षा रहेको छ। “मेस्सीले बार्सिलोनामा रहेको ‘मोडस भिभेन्डी’ सधैं मिस गर्नेछन्,” बेल्जियमले मिरर मार्फत एल चिरिन्गुइटो टिभी कार्यक्रमलाई भने, “यदि उनी सफल भए, जसको अर्थ च्याम्पियन्स लिग जित्नु हो भने, उनले अर्को वर्ष आफ्नो बसाइ लम्ब्याउन सक्छन्।”
अर्जेन्टिनी स्टारको भविष्यमा यी सबै हल्लाहरु बीच, यो सोच्न अविश्वसनीय छ कि सात पटक बालोन डी’ओर विजेता एक पटक लगभग आठ वर्ष पहिले पश्चिम लन्डनमा सरेका थिए। तर चेल्सीको त्यो कदम सफल हुन सकेन। तर अहिलेको समयमा मेस्सीले पीएसजी छाड्ने निर्णय गरेको खण्डमा साबिक च्याम्पियन्स लिग विजेता पुन: मेस्सीलाई अनुबन्ध गर्न प्रयास गर्न सक्छ।
