एजेन्सी – बलिउड अभिनेता ऋतिक रोशन ४८ वर्ष लागेका छन्। ऋतिक सोमबारबाट ४८ वर्ष लागेका हुन्। ऋतिकको जन्मदिनमा उनका प्रशंसक देखि चर्चित हस्तीहरुले सम्म शुभकामना समेत दिए। ऋतिकलाई शुभकामना दिनेहरु कयौं बलिउड कलाकार पनि थिए।
त्यसमध्येमा एक थिइन् बलिउड अभिनेत्री प्रिती जिन्टा पनि। जिन्टाले ऋतिकलाई सामाजिक संजाल मार्फत जन्मदिनको शुभकामना दिएकी छन्। शुभकामना दिने क्रममा उनले ऋतिकको धेरै पूरानो तस्विर पनि सार्वजनिक गरेकी छन्।
सार्वजनिक तस्विरमा ऋतिकलाई चिन्न धेरै कठिन छ। ऋतिक अहिले सम्म नदेखिएको लुकमा देखिएका छन्। सो तस्विर सार्वजनिक गर्दा उनले ऋतिकसँग रमाइलो पारमा माफी पनि मागेकी छन्।
सो तस्विर देख्दा आफूलाई जहिले पनि रमाइलो लाग्ने प्रितीको भनाई छ। सो तस्विरले आफूलाई पूराना दिनहरुको याद दलाउने उल्लेख गर्न पनि प्रितीले छुटाएकी छैनन्।
“जन्मदिनको शुभकामना मेरो प्रिय ऋतिक ! माफ गर, यो तस्बिर पोस्ट गर्नुपर्यो किनकि यो देख्दा मलाई सधैं रमाइलो लाग्छ र म हामीले रमाइलो परेको पलमा पुग्छु। सधै तिमीलाई आज, भोलि र सधैं मुस्कुराएको हेर्न चाहन्छु ! धेरै-धेरै माया !”,जिन्टाले सामाजिक संजालमा लेखेकी छन्। ऋतिकलाई नयाँ लुकमा देख्दा धेरैले आश्चर्य व्यक्त गरेका छन् भने ऋतिक कहिले त्यस्तो थिए भनेर प्रश्न समेत गरेका छन्।
View this post on Instagram
