एजेन्सी : बलिउड इन्टरटेन्मेन्ट इन्डस्ट्रीमा थुप्रै यस्ता कलाकारहरु छन् जो आपसमा नातेदार पर्छन्। कोहीँ बाउछोरा छन् भने कोहीँ आमा-छोरी। केही कलाकारहरु आपसमा दाजु-बहिनी पनि छन्। टिभी इन्डस्ट्रीका एउटै परिवारका दिदी-भाई या दाजु-बहिनी पनि छन्। जसमध्ये एकले खुबै लोकप्रियता पाए भने अर्कोको करियर खासै उपलब्धीपूर्ण रहेन्।
बहुप्रसिद्ध बलिउड अभिनेता गोविन्दाका भान्जा कृष्णा अभिषेक र आरती सिंह दाजुबहिनी हुन्। कृष्णाले थुप्रै भाषाका फिल्महरुमा अभिनय गरिसकेका छन्। तर आरती सिंहको करियर भने अहिलेसम्म उपलब्धीजनक छैन।
डेलनाज ईरानी बख्तियार ईरानीको दिदी हुन्। डेलनाजले टिभी सिरियल्ससँगै थुप्रै बलिउड फिल्महरुमा पनि काम गरिसकिन् तर उनका भाई बख्तियारले खासै काम नै पाईरहेका छैनन्।
ऋद्धि डोगरा मनोरञ्जन दुनियाँको प्रसिद्ध अभिनेत्री हुन्। उनी अभिनेता राकेश बापटसँग वैवाहिक बन्धनमा बाँधिईसकेकी छिन्। अभिनेता अक्षय डोगरा ऋद्धिका दाजु हुन्। तर अक्षयले ऋद्धि जतिको लोकप्रियता हासिल गर्न सकेनन्।
टिभी एक्ट्रेस मानसी जोशी बलिउड एक्टर शरमन जोशीकी दिदी हुन्। शरमनले आमिर खान जस्ता चर्चित हस्तीसँग काम गरिसके। तर मानसी दर्शकहरुमाझ खासै लोकप्रिय छैनन्।
मयूर वकानी अभिनेत्री दिशा वकानीको भाई हुन्। दिशा वकानी मनोरञ्जन दुनियाँको चर्चित अनुहार हुन्। ‘तारक मेहता का उल्टा चश्मा(Taarak Mehta Ka Ooltah Chashmah)’ मा दया जेठालाल गडाको भूमिका निभाएर उनी घर-घरमा चर्चित भएकी थिईन्। मयूर वकानीले भने सोचेजस्तो लोकप्रियता पाउन सकेनन्।
