काठमाडौँ – नेपाली बजारमा आज सुनको मूल्य घटेको छ। साताको पहिलो दिन आइतबार घटेको सुनको मूल्य नेपाली बजारमा आज पनि घटेको हो।
नेपाल सुन चाँदी व्यवसायी महासंघका अनुसार नेपाली बजारमा आज छापावाला सुनको मूल्य तोलामा ४ सय रुपैंयाँले घटेको छ। जससँगै छापावाला सुनको मूल्य ९१ हजार ८ सय रुपैंयाँ कायम भएको छ।
त्यस्तै आज नेपाली बजारमा तेजाबी सुनको मूल्य पनि ४ सय रुपैंयाँले नै घटेको छ। महासंघले दिएको जानकारी अनुसार नेपाली बजारमा तेजाबी सुन प्रतितोला ९१ हजार ३ सय रुपैंयाँमा कारोबार भइरहेको छ।
सुन लगभग ३ हप्ताकै सस्तो
पछिल्लो गिरावटसँगै सुन माघ महिनाकै सस्तो भएको छ। महासंघले दिएको जानकारी अनुसार आज कायम भएको सुनको मूल्य माघ महिना मात्र नभई पुस १७ गते अथवा २० दिनकै सस्तो हो।
चाँदीको मूल्य
आज सुन मात्र नभई चाँदीको पनि मूल्य घटेको छ। महासंघले दिएको जानकारी अनुसार आज चाँदीको मूल्य तोलामा रु १० ले घटेको छ। नेपाली बजारमा आज चाँदी प्रतितोला १ हजार २ सय ४० रुपैंयाँमा कारोबार भैरहेको छ।
