शनि कुनै पनि राशिमा साढे दुई वर्ष रहन्छ। जसबाट यो ग्रह केही महिना आफ्नो प्रतिगामी गतिमा हिड्ने गर्छ। हाल शनि मकर राशिमा गोचर गर्दैछ। यही २९ अप्रिलमा शनिले राशि परिवर्तन गर्नेछ भने, जुन ५ मा पुन: प्रतिगामी चालमा चल्नेछ। जसपछि १४१ दिन प्रतिगामी चालमा चलेपछि २३ अक्टोबरमा शनि मार्गी हुनेछ। शनिको प्रतिगामी गतिले मुख्यतया ती राशिहरूलाई असर गर्छ जसमा शनिको साढे साती वा शनिको ढैय्या(छायाँ) चलिरहेको छ।
कर्कट राशि
शनिको प्रतिगामी कालमा यस राशिका मानिसहरूमाथि शनिको छायाँको प्रभाव रहनेछ। त्यसैले यो राशिका व्यक्तिहरुले सावधानी अपनाउन जरुरी छ। यस समयमा तपाईंका विभिन्न काम बिग्रन सक्छ। आर्थिक स्थितिमा धेरै उतारचढाव आउन सक्छ। सवारी दुर्घटनाको सम्भावना रहनेछ। कार्यस्थलमा कसैले तपाईंको काम बिगार्ने प्रयास गर्न सक्छ।
वृश्चिक राशि
जब शनि आफ्नो उल्टो चाल सुरु गर्नेछ, तब शनिको छायाँ यस राशिका मानिसहरूमा हुनेछ। जतिबेला शनि प्रतिगामी हुन्छ, तब यसबाट पीडित व्यक्तिको कष्ट बढ्छ। तसर्थ, यस अवधिमा तपाईंले सबै कुरा धेरै सावधानीपूर्वक गर्नु पर्छ। शत्रुहरूले तपाईंमाथि हावी हुने प्रयास गर्नेछन्। तपाईंले कार्यस्थलमा धेरै चुनौतीहरूको सामना गर्नुपर्ने हुन सक्छ।
मकर राशि
शनि प्रतिगामी हुने कारणले यो राशिको समस्या बढ्न सक्छ। विशेष गरी यसले तपाईंको करियरलाई असर गर्नेछ। काममा बाधा अड्चन आउनेछ। हाकिमसँग सम्बन्ध बिग्रन सक्छ। यस समयमा आफ्नो व्यापार र आफ्नो क्रोध नियन्त्रण गर्नु राम्रो हुनेछ। पैसाको लेनदेनमा सावधानी अपनाउनुहोला।
कुम्भ राशि
अप्रिल २९ बाट शनिले कुम्भ राशिमा गोचर सुरु गर्नेछ। जसपछि यसै राशिमा प्रतिगामी पनि हुनेछ। त्यसैले शनिको यस चालका कारण यस राशिका मानिसहरूलाई सबैभन्दा बढी पीडा हुने सम्भावना छ। यो समयमा कुनै पनि किसिमको बहसमा नलाग्नु होला। अन्यथा, तपाईं कुनै ठूलो समस्यामा फस्न सक्नुहुन्छ। आफ्नो क्रोधलाई नियन्त्रणमा राख्नुपर्छ। पैसाको लेनदेनमा सावधानी अपनाउनुपर्नेछ। बुद्धिमानीपूर्वक लगानी गर्नुहोस्।
