पेरिस सेन्ट-जर्मेनका सुपरस्टारले मंगलबार रियल म्याड्रिडविरुद्धको खेलमा पेनाल्टी मिस गरेपछि फ्यानहरूले लियोनेल मेस्सीलाई सकिएका खेलाडीको संज्ञा दिएका छन्।
पार्क डे प्रिन्सेसमा पीएसजी र म्याड्रिडले पहिलो हाफमा गोलरहित बराबरी खेले पनि दोस्रो हाफमा माउरिसियो पोचेटिनोको टोलीले स्पट-किकबाट गोल गर्ने एउटा अविश्वसनीय मौका खेर फाले। ड्यानियल कार्भाजलले म्याड्रिड बक्समा किलियन एमबाप्पेलाई लडाएपछि पीएसजीले च्याम्पियन्स लिगको अन्तिम १६ को दोस्रो हाफमा पेनाल्टी पाएको थियो।
६२ औं मिनेटमा पाएको पेनाल्टी प्रहार गर्न मेस्सी अग्रसर भए तर उनले गरेको प्रहार रियल म्याड्रिडका गोलकिपर थिबाउट कोर्टोइसले उत्कृष्ट बचाउको साथ विफल पारेका थिए। सात पटकको ब्यालोन डी’ओर विजेताको असफल पेनाल्टी सुरुमा पीएसजीको लागि महँगो पर्ने देखिँदै थियो, जसपछि फ्यानहरूले सामाजिक सञ्जालमा मेस्सीलाई ‘आफ्नै पूर्वको छाया’ भएको भन्दै निर्दयी रूपमा आलोचना गरे।
एक फ्यानले ट्विट गरे: “के मेस्सी अब आफ्नै छाया हो?”
अरू कसैले पोष्ट गरे: “उत्कृष्ट देखिने एम्बाप्पे मात्र हुन्। मेस्सीको अलिकति जादूको आशा थियो तर उनी आफ्नै पुरानो खेलाडीको छाया हुन्।”
एक तेस्रो ट्विटर प्रयोगकर्ताले लेखे, “सकिएका मेस्सीले प्राइम एमबाप्पेलाई पेनाल्टी लिन दिनुपर्थ्यो।”
अर्काले टिप्पणी गरे: “मेस्सी अविश्वसनीय रूपमा समाप्त भए, उनको सम्झौता रद्द गर्नुहोस्।”
जबकि पाँचौंले थपे: “मेस्सी एमबाप्पेको छायामा खेलिरहेका छन्।”
मेस्सीले म्याड्रिड विरुद्धको खेलमा सुनौलो मौका गुमाए पनि पीएसजीले एमबाप्पेको सनसनीपूर्ण गोलका साथमा इन्जुरी टाइममा जीत निकाल्न सफल भयो। पीएसजीले अब म्याड्रिडसँग च्याम्पियन्स लिगको दोस्रो लेग मार्च ९ मा सान्टियागो बर्नाबेउ खेल्नेछ।
