ढाड र कम्मर दुख्ने समस्या पछिल्लो समय निकै बढेको पाइन्छ। विशेषगरी कोरोना महामारीको कारण वोर्क-फ्रम-होमले गर्दा यो समय अझ बढ्दै गएको छ। स्वास्थ्य विज्ञहरूका अनुसार ढाड वा कम्मर दुख्ने समस्या धेरै कारणले गर्दा बढ्न सक्छन्, जसमा शारीरिक निष्क्रियता र गलत बस्ने आसनले सबैभन्दा महत्त्वपूर्ण भूमिका खेल्छ। यस्ता समस्याहरू कम गर्न वा हटाउनका लागि नियमित रूपमा योग अभ्यास गर्नु तपाईंको लागि लाभदायक हुन्छ। यस्ता योग आसन गर्नाले मांसपेशीहरूमा पर्ने दबाब कम हुने गर्दा दुखाइबाट राहत मिल्ने गर्छ।
थुप्रै योग विशेषज्ञहरूका अनुसार यस्ता थुप्रै योग आसनहरू छन् जसले तपाईंलाई ढाड वा कम्मर दुख्ने समस्याबाट राहत प्रदान गर्न मद्दत गर्दछ। नियमित योगासन गर्ने बानी बसाल्दा दुखाइबाट मुक्ति पाउनुका साथै अन्य धेरै फाइदा हुने गर्छ। यस्तोमा ढाड वा कम्मर दुख्ने समस्याबाट पीडित व्यक्तिहरूले कुन योग अभ्यासबाट फाइदा लिन सक्छन् भन्ने कुरा जानौं?
बालासन योग
ढाड दुख्ने समस्याले धेरै असहज गराउन सक्छ। यसले सामान्य जीवनका गतिविधिहरूलाई पनि असर गर्छ। त्यस्ता व्यक्तिहरूको लागि, बालासन वा बाल मुद्रा योग अभ्यास निकै लाभदायक हुन सक्छ। बाल मुद्राले शरीरको स्ट्रेचिंगलाई बढावा दिन्छ। कम्मरको मांसपेशीमा रक्तसञ्चार बढाउन र स्नायुलाई आराम दिन यो योग अभ्यास गर्नु विशेष लाभदायक मानिन्छ।
अधोमुख शवासन योग
अधोमुख शवासन योगलाई ढाड दुखाइ कम गर्न धेरै प्रभावकारी मानिन्छ। यो तपाईंको काँध, ढाड, ह्यामस्ट्रिङमा तनाव कम गरेर मांसपेशिहरुलाई आराम गर्नको लागि लाभदायक हुन सक्छ। अधोमुख शवासन योगले शरीरमा रक्तसञ्चारलाई पनि बढाउँछ, विशेषगरी मस्तिष्कमा रक्तसञ्चारलाई तीव्र बनाउन यस योगको अभ्यासले निकै फाइदा पुर्याउँछ।
सेतुबंधासन योग
सेतुबन्धासन वा ब्रिज पोज योग कम्मरको मांसपेशीलाई आराम गर्नको लागि उत्तम योग अभ्यास मानिन्छ। लामो समयसम्म गलत आसनमा बस्दा तल्लो ढाड दुख्ने समस्या हुनु स्वभाविक हो। ब्रिज पोजको अभ्यासले सजिलै यसबाट छुटकारा पाउन सकिन्छ। यो योग अभ्यास गर्नाले तिघ्रा, हिप्स र ह्यामस्ट्रिङ स्वस्थ रहन्छ।
