एजेन्सी – प्रिमियर लिगमा आज म्यानचेस्टर युनाइटेडले वाटफोर्डको सामना गर्दैछ। सिजनको २७ औं खेलमा युनाइटेडले घरेलु मैदानमा वाटफोर्डको सामना गर्न लागेको हो। खेल नेपाली समय अनुसार रातको ८ बजेर ४५ मिनेटमा शुरु हुनेछ।
ठूलो संघर्ष पछि शिर्ष चारमा प्रवेश गरेको युनाइटेड आजको खेलमा पनि जित निकालेर शिर्ष चारमा बलियो पकड बनाउने दाउमा हुनेछ भने वाटफोर्ड जित निकाल्दै रेलिगेसनबाट बच्ने अभियानमा अगाडी बढ्ने दाउमा हुनेछ।
युनाइटेड अहिले प्रिमियर लिगको चौंथो स्थानमा छ। सिजनका २६ खेल्दा युनाइटेडले १३ खेलमा जित निकालेको छ भने ६ खेलमा हार बेहोरेको छ। युनाइटेडको ४६ अंक छ।
त्यस्तै वाटफोर्ड भने लिगको १९ औं स्थानमा छ। वाटफोर्डले अहिले सम्म २५ खेल खेलेको छ। यसबीचमा उसले मात्रै ५ खेलमा जित निकालेको छ। वाटफोर्डले १७ खेलमा हार बेहोरेको छ।
खेल कुन च्यानलमा हेर्ने ?
प्रिमियर लिगका खेलहरु नेपालबाट प्रशारण हुने कुनै पनि च्यानलले पनि प्रशारण गर्दैनन्। युनाइटेड र वाटफोर्ड बीच हुने खेल हेर्नको लागि भारतीय च्यानलको भर पर्नुपर्नेछ। खेल स्टार स्पोर्ट्स सेलेक्ट वानमा हेर्न सकिनेछ।
