युनाइटेड किंगडमको सरकारले बिहीबार एक विज्ञप्ति जारी गर्दै सात रूसी कुलीनहरूको सम्पत्ति रोक्का गरेको खुलासा गरेको छ। यसमा रोमन अब्रामोभिच पनि समावेश छन्, जो क्लब बेच्ने योजनाको बाबजुद अझै पनि चेल्सीको मालिक हुन्।
प्रभावित अन्य कुलीनमा इगोर सेचिन, ओलेग डेरिपास्का, एन्ड्रे कोस्टिन, एलेक्सई मिलर, निकोलाई टोकरेभ र दिमित्री लेबेदेव हुन्, तर अब्रामोभिच चेल्सीको स्वामित्वका कारण सबैभन्दा उच्च प्रोफाइल हुन्। “युक्रेनमा पुटिनको नराम्रो आक्रमणलाई समर्थन गर्नेहरूका लागि त्यहाँ कुनै सुरक्षित आश्रय हुन सक्दैन,” बेलायतका प्रधानमन्त्री बोरिस जोनसनले भने, “आजका प्रतिबन्धहरू युक्रेनी जनताको लागि बेलायतको अटुट समर्थनमा पछिल्लो कदम हो। हामी सर्वसाधारणको ह-त्या, अस्पतालको विनाश र सार्वभौम सहयोगीहरूको अवैध कब्जा गर्नेकाका लागि निर्दयी हुनेछौं।”
यस प्रकारको प्रतिबन्ध आशा गर्दै, अब्रामोविचले क्लब बेच्ने प्रयास गरेका थिए। उनले गत हप्ता आफूले क्लब बेच्ने घोषणा गरेका थिए। तर यस हप्ता पहिलो आधिकारिक बोलपत्र अपेक्षित भए पनि टोली बेच्नको लागि पर्याप्त समय भएन। त्यसैले अब्रामोविचको सम्पत्ति रोक्का गर्ने यो निर्णयबाट चेल्सी प्रभावित हुन सक्छ।
खेलकुदका लागि बेलायतको राज्य सचिव नादिन डोरिजले चेल्सी समर्थकहरूलाई आश्वस्त पार्ने प्रयास गर्न आफ्नै बयान जारी गरेकी छिन्। “आजको प्रतिबन्धले स्पष्ट रूपमा चेल्सी र यसका फ्यानहरूमा प्रत्यक्ष प्रभाव पारेको छ,” उनले भनिन्, “हामीले क्लब र राष्ट्रिय खेललाई यी महत्त्वपूर्ण प्रतिबन्धहरूबाट अनावश्यक रूपमा हानि नगर्ने सुनिश्चित गर्न कडा मेहनत गरिरहेका छौं।”
1/ 4🧵Putin’s attack on Ukraine continues & we are witnessing new levels of evil by the hour. Today the Government has announced further sanctions against individuals linked to the Russian Government. This list includes Roman Abramovich, the owner of Chelsea Football Club.
— Nadine Dorries (@NadineDorries) March 10, 2022
“क्लबले प्रतिस्पर्धा गर्न र सञ्चालन हुन हामी एक विशेष इजाजतपत्र जारी गर्दैछौं जसले खेलहरु पूरा गर्न, कर्मचारीहरूलाई भुक्तानी गर्न र टिकट होल्डरहरुलाई क्लबको खेलमा उपस्थित हुन अनुमति दिनेछ, महत्त्वपूर्ण रूपमा, अब्रामोभिचलाई क्लबको स्वामित्वबाट फाइदा लिनबाट वञ्चित गर्दै,” उनले थपे।
