क्रिस्टियानो रोनाल्डोले पोर्चुगलको “गर वा मर” विश्वकपको प्लेअफ खेल अगाडि एक शक्तिशाली सन्देश दिएका छन्। उनी एस्टाडियो डो ड्रागाओमा “हेल ब्रेकिङ लुज” (हिंसात्मक, विनाशकारी गतिविधि) म्याच चाहन्छन्।
पोर्चुगल कतार २०२२ मा स्थान बनाउनबाट एक खेल टाढा रहेको छ, उत्तरी म्यासेडोनिया मात्र रोनाल्डोको अन्तिम प्लेअफ खेलमा आफ्नो बाटोमा उभिएको छ। फर्नान्डो सान्तोसको टोलीले आफ्नो प्लेअफ सेमिफाइनलमा टर्कीलाई ३-१ ले हराएको थियो, जबकि उत्तरी म्यासेडोनियाले इटालीलाई १-० ले हराउँदै अन्तर्राष्ट्रिय फुटबलको हालैको इतिहासमा सबैभन्दा ठूलो झट्का दिएको थियो, तर रोनाल्डो विश्वस्त छन् कि उनको देशले इटालीको जस्तो निराश गर्नेछैन।
आफ्नो करियरमा पोर्चुगलका लागि विश्व कीर्तिमान ११५ गोल गरेका म्यानचेस्टर युनाइटेडका फरवार्डले मंगलबारको फाइनलमा अतिरिक्त शोर र जोशका लागि समर्थकहरूलाई आग्रह गरेका छन्। “म फ्यानहरूलाई आग्रह गर्दछु – म ड्रगाओ [स्टेडियम] मा हेल ब्रेकिङ लुज चाहन्छु,” रोनाल्डोले भने, “म हिजो राती ओछ्यानमा गएर सोच्दै थिएँ कि स्टेडियममा हाम्रो राष्ट्रिय गानको लागि संगीत बन्द गर्न चाहन्छु र फ्यानहरूलाई हाम्रो जोश, हाम्रो शक्ति र विश्व कपमा पुग्ने उद्देश्यको वरिपरि एकता देखाउनको लागि अकापेला गाउन दिन चाहन्छु।”
३७ वर्षीय पोर्चुगिज कप्तानले खेलको महत्वबारे थपे: “हाम्रो लागि यो खेल जीवन र मृ-त्युको कुरा हो। यो खेल जित्ने जिम्मेवारी छ। हाम्रो लागि, हाम्रो जीवनको खेल पनि हो। उनीहरूले धेरै खेलहरूमा [विपक्षीहरूलाई] चकित पारेका छन् तर मलाई विश्वास छ उनीहरूले हामीलाई आश्चर्यचकित गर्नेछैनन्।”
