काठमाडौँ : चैत १७ गते(३१ मार्च) बिहिबार सुख र रोमान्सको ग्रह शुक्रले राशि परिवर्तन गर्दैछ। शुक्र ग्रह मकर राशिबाट निस्किएर कुम्भ राशिमा प्रवेश गर्नेछ। शुक्रको यो राशि परिवर्तनले ७ राशिका जातकमा अनुकूल र शुभ असर पर्नेछ। जान्नुहोस्, ७ राशिहरुमा तपाईको राशि पर्छ कि पर्दैन्।
७ राशिका लागि शुभ शुक्र : –
• मेष राशि – चु, चे, चो, ला, लि, लु, ले, लो, अ (Aries) : –
शुक्र मेष राशिको ११ औँ भावमा गोचर गर्नेछ। आर्थिक दृष्टिकोणले यो गोचर लाभदायी हुनेछ। व्यापारी एवं व्यवसायीहरुका लागि यो गोचर फलदायी सिद्ध हुनेछ। करियर र जागिरमा सफलता दिलाउनेछ। पारिवारिक माहोल पनि राम्रो रहनेछ।
• मिथुन राशि – का, कि, कु, घ, ङ, छ, के, को, ह (Gemini) : –
शुक्र ग्रह मिथुन राशिको ९ औँ भावमा गोचर गर्नेछ। यो गोचर तपाईको लागि शुभ रहनेछ। भाग्यले साथ दिनेछ। मान-सम्मानमा वृद्धि हुनेछ। जागिर परिवर्तन गर्ने यो सही समय हो। व्यापार-व्यवसायमा राम्रो प्रगति हुनेछ। दाम्पत्य जीवनमा सुधार र मिठास बढ्नेछ।
• सिंह राशि – मा, मि, मु, मे, मो, टा, टि, टु, टे (Leo) : –
शुक्र सिंह राशिको ७ औँ भावमा गोचर गर्नेछ। तपाईको लागि यो गोचर शुभ फलदायी सिद्ध हुनेछ। दाम्पत्य जीवन र साझेदारी व्यवसायमा सुधार हुनेछ। जागिर गरेकाहरुका लागि नयाँ अवसरहरु आउन् सक्छन्। सहकर्मीको साथ र सहयोग मिल्नेछ र लामो दूरीको यात्राको सम्भावना छ।
• तुला राशि – र, रि, रु, रे, रो, ता, ति, तु, ते (Libra) : –
शुक्र तुला राशिको ५ औँ भावमा गोचर गर्नेछ। यो गोचर आर्थिक रुपले लाभकारी सिद्ध हुनेछ। व्यापार व्यवसायबाट राम्रो लाभ मिल्नेछ। रोजगारीका लागि पनि यो समय अनुकूल छ। पारिवारिक जीवन पनि सुखद् रहनेछ। करियर, शिक्षा र सन्तान पक्षबाट पनि सकारात्मक परिणाम प्राप्त हुने देखिन्छ।
• वृश्चिक राशि – तो, ना, नि, नु, ने, नो, या, यि, यु (Scorpio) : –
शुक्र वृश्चिक राशिको ४ औँ भावमा गोचर गर्नेछ। यस समयावधिमा सुख र सुविधा बढ्नेछ। व्यापार व्यवसायमा उन्नति हुनेछ। काममा प्रगति हुनेछ। पारिवारिक जीवनमा खुशीको माहोल रहनेछ। सम्पत्ति खरिद गर्ने मौका मिल्नेछ।
• मकर राशि – भो, ज, जि, खि, खु, खे, खो, गा, गि (Capricorn) : –
शुक्र मकर राशिको दोस्रो भावमा गोचर गर्नेछ। व्यापारीहरूका लागि यो समय शुभ र लाभदायक साबित हुनेछ। कामदारको तलब वृद्धि र बढुवाको सम्भावना छ। रोकिएका काम पुरा हुनेछन्। दाम्पत्य जीवनमा खुशीको वातावरण रहनेछ।
• कुम्भ राशि – गु, गे, गो, सा, सि, सु, से, सो, द (Aquarius) : –
शुक्र कुम्भ राशिको लग्न अर्थात् प्रथम भावमा गोचर गर्नेछ। यस अवधिमा तपाईलाई भाग्यले पूरा साथ दिनेछ। दाम्पत्य जीवन पनि सुखद् रहनेछ। साझेदारी व्यवसायमा लाभ हुनेछ। काममा सकारात्मक परिणाम मिल्ने योग छ। पारिवारिक जीवन पनि सुखद् र आरामदायक रहने प्रबल सम्भावना छ।
