काठमाडौँ : ज्योतिषशास्त्र अनुसार मानव जीवनमा घट्ने घटनाहरु ग्रह, नक्षत्र, व्यक्तिको जन्ममिति र जन्मसमय आदिमा आधारित हुन्छ। सबै १२ वटै राशिहरुसँग सम्बन्धित विभिन्न ग्रहहरुका प्रभाव जातकको पेशा, व्यापार, दाम्पत्य जीवन आदिमा पर्छ। नेपालको सन्दर्भमा अधिकांस मानिसहरु सरकारी जागिर खाने सपना देख्छन्।
सरकारी जागिर खानको लागि कडा मेहनत पनि गर्छन्। तर कडा मेहनत र दृढ इच्छाशक्तिको बाबजूद पनि कतिपय मानिसहरुले आफ्नो सरकारी जागिर खाने सपना पूरा गर्न सक्दैनन्। आज हामी तपाईलाई बताउँछौँ, ज्योतिष शास्त्र अनुसार कुन-कुन ३ राशिका जातकलाई सरकारी जागिर पाउने प्रबल सम्भावना हुन्छ।
• सिंह राशि – मा, मि, मु, मे, मो, टा, टि, टु, टे (Leo) : –
ज्योतिष शास्त्र अनुसार सिंह राशिका मानिस साहसी र यिनमा खतरा मोल्ने बानी हुन्छ। यिनीहरु मेहनत गर्न कत्ति पनि डराउँदैनन्। एकपटक आफ्नो मनले चाहेपछि जसरी पनि त्यो काम पूरा गरेरै छाड्छन्। यिनले आफ्नो मेहनत र लगनशीलताले नै सरकारी जागिर खान्छन्।
• कन्या राशि – टो, प, पि, पु, ष, ण, ठ, पे, पो (Virgo) : –
कन्या राशिका मानिसहरु हरेक काम लगनशीलपूर्वक गर्दछन्। आफ्नो लक्ष्यको प्राप्तिको लागि मरिमेटेर लाग्छन्। कन्या राशिका जातकले आफ्नो योग्यताको आधारमा सरकारी जागिर पाउने सम्भावना बढी हुन्छ। यिनीहरु साना-तिना काम गर्न रुचि देखाउँदैनन्। सरकारी जागिर पाएपछि कडा मेहनतका बलमा उक्त क्षेत्रमा उच्च पदसम्म पुग्छन्।
• तुला राशि – र, रि, रु, रे, रो, ता, ति, तु, ते (Libra) : –
ज्योतिष शास्त्रका अनुसार तुला राशिका मानिसहरु सरकारी जागिरको प्राप्तिलाई आफ्नो मूल उद्देश्य बनाउँछन्। सरकारी जागिरको लागि यिनीहरु कडा परिश्रम पनि गर्छन्। तुला राशिका व्यक्तिहरुले हरेक काममा आफ्नो दममा सफलता हासिल गर्नमा विश्वास गर्छन्। यिनीहरु कुनै पनि कठिनाइको सामना गर्न पछि हट्दैनन्।
