एजेन्सी – च्याम्पियन्स लिगको फाइनल प्रवेशका लागि भिल्लारियल र लिभरपुल आज राति आमने-सामने हुँदैछन्। च्याम्पियन्स लिग सेमिफाइनलको दोस्रो लेगमा भिल्लारियल र लिभरपुल आमने-सामने हुन लागेका हुन्।
प्रि–क्वाटरफाइनलमा युभेन्ट्स र क्वाटरफाइलनमा जर्मन महारथी बायर्न म्युनिखलाई हराएर ‘जायन्ट किलर’ छवि बनाएको भिल्लारियल दोस्रो लेगमा घरेलु मैदानको फाइदा उठाउँदै लिभरपुललाई हराउने दाउमा हुनेछ।
त्यस्तै लिभरपुल भने भिल्लारियललाई हराएको फाइनलमा स्थान बनाउँदै चार उपाधिको यात्रालाई कायम राख्ने लक्ष्यमा हुनेछ। लिग कपको उपाधि जितिसकेको लिभरपुल एफए कपको फाइनलमा तथा प्रिमियर लिगको उपाधि दौडमै रहेको छ।
लिभरपुल र भिल्लारियल यसअघि तीनपटक भिडेका छन् । सन् २०१५-१६ मा युरोपा लिगको सेमिफाइनलको पहिलो लेगमा लिभरपुल ३–० ले विजयी हुँदा बन्दा दोस्रो खेलमा भिल्लारियल १–० ले विजयी भएको थियो। तर सेमिफाइनलको पहिलो लेगमा भिल्लारियल लिभरपुलसँग पराजित भएको थियो।
भिल्लारियल र लिभरपुल बीचको खेल भिल्लारियलको घरेलु मैदानमा नेपाली समय अनुसार रातको १२ बजेर ४५ मिनेटमा शुरु हुनेछ। खेल भारतीय च्यानल सोनी टेन २ मा हेर्न सकिनेछ।
