ज्योतिषशास्त्रका अनुसार ग्रहको स्थितिको प्रभाव व्यक्तिको जीवनमा देखिन्छ। ग्रहको गोचर वा राशि परिवर्तनको प्रभाव व्यक्तिको जीवनमा शुभ वा अशुभ जुनसुकै अवस्थामा पनि देखिन सक्छ। साथै, राशिको आधारमा कुन ग्रहको स्थिति शुभ र कुन ग्रहको स्थिति अशुभ छ भन्ने पनि थाहा हुन्छ। कतिपयको राशिफलमा अचानक परिवर्तन हुने देखिन्छ। आउनुहोस् जानौं यी राशिका व्यक्तिहरूको बारेमा।
मिथुन राशि
राहुलाई ज्योतिषमा पापी ग्रह मानिन्छ। यदि कुनै व्यक्तिको कुण्डलीमा राहु अशुभ स्थानमा छ भने त्यसले मानिसको जीवनमा धेरै समस्या उत्पन्न गर्छ। राहु ग्रहलाई जीवनमा आकस्मिक घटनाको कारक मानिन्छ। मिथुन राशिमा राहुलाई श्रेष्ठ मानिन्छ। मिथुन राशिको कुण्डलीमा राहु उच्च स्थानमा छ भने विशेष परिस्थितिमा शुभ फल दिने गर्दछ।
व्यक्तिको अचानक उन्नति हुन्छ। व्यक्तिको जीवनमा कतैबाट अचानक धन प्राप्त हुने सम्भावना हुन्छ। यस्ता व्यक्तिहरुलाई अचानक सफलता मिल्छ। यस्तो अवस्थामा यस राशिका व्यक्तिहरूले राहुलाई प्रसन्न पार्न केही उपाय अपनाएमा निकै फाइदा हुन्छ।
मकर राशि
मकर राशिका लागि राहु शुभ फलदायी साबित हुन्छ। यस राशिका स्वामी शनि हुन्। शनिलाई कर्म दिने वा न्यायको देवताको रूपमा पनि चिनिन्छ। मिहिनेती र परिश्रमी मानिसबाट राहु प्रसन्न हुने गर्छन्। र तिनीहरूलाई शुभ परिणाम दिन्छन्। अचानक व्यक्तिले उच्च पद, ठूलो लाभ आदि प्राप्त गर्दछ। तर यो राशिका व्यक्तिहरूले कुनै पनि प्रकारको गलत काम नगर्न ख्याल गर्नुपर्छ। अन्यथा, राहुले ठुलो नोक्सान गर्न सक्छ। त्यसैले आफ्नो बोली र संगतमा संयम रहनुहोस्।
राहुलाई प्रसन्न पार्न अपनाउनुहोस् यी उपाय
ज्योतिष शास्त्र अनुसार दुबै राशिका व्यक्तिले राहुलाई प्रसन्न पार्न शनिबार व्रत राख्न सक्छन्। साथै, यी मानिसहरूलाई भगवान शिवको पूजा गर्न पनि सल्लाह दिइन्छ। शिवलिंगमा पूजा गर्दा बेलको पात र धतुरा चढाउँदा राहुको अशुभता हटाउन सकिने जनविश्वास रहेको छ।
राहुको मन्त्र
राहुको अशुभ प्रभावलाई कम गर्नका लागि उपायका साथसाथै मन्त्र जप गर्न पनि शुभ मानिन्छ। राहुको शुभ प्रभावका लागि शनिबार ओम रण राहवे नमः मन्त्रको जप गर्नुहोस्।
