एजेन्सी – बेल्जियन मिडफिल्डर केभिन डि ब्रुएनाको चार गोल सहयोगमा म्यानचेस्टर सिटीले इंग्लिस प्रिमियर लिगमा सानदार जित दर्ता गरेको छ । सिटीले वल्भ्समाथि उसकै मैदानमा ५–१ को भारी अन्तरको जित निकाल्न सफल भएको हो ।
सिटीका लागि थप एक गोल रहिम स्टर्लिङको नाममा रह्यो । वल्भ्सका लिन्डर डेन्डनकरले एक गोल फर्काए । सिटीले पहिलो हाफमै ३–१ को अग्रता लिदा दोस्रो हाफमा दुई गोल थप्दै फराकिलो जित सुनिश्चित गरेको हो ।
वल्भरह्याम्टनमा बुधबार राति भएको खेलको सातौ मिनेटमा केभिन डि ब्रुएनाको गोलबाट सिटीले सुरुवाती अग्रता लिन सफल भएको थियो । उनले बर्नाडो सिल्भाकिो पासमा गोल गर्न सफल भएका थिए । ११औं मिनेटमा लिन्डर डेन्डनकरले बराबरी गोल फर्काए ।
१६औं मिनेटमा ब्रुएनाले गोल गर्दै सिटीलाई २–१ ले अघि बढाए । २४औं मिनेटमा ब्रुएनाले ह्याट्रिक पुरा गरेपछि सिटी पहिलो हाफमा ३–१ ले अघि बढ्यो ।
६०औं मिनेटमा ब्रुएनाले व्यक्तिगत र टोलीका लागि चौथो गोल थप्दा सिटी ४–१ ले अघि बढ्यो । ८४औं मिनेटमा रहिम स्टर्लिङले गोल गर्दै सिटीलाई ५–१ को सानदार जित दिलाए ।
यो जितसँगै उपाधि संघारमा रहेको सिटीको ३६ खेलबाट ८९ अंक पुग्दा दोस्रो स्थानको लिभरपुललाई ३ अंकले पछि पारेको छ । पराजित वल्भ्स ५० अंक जोडेर आठौं स्थानमा रहेको छ ।
