काठमाडौँ – काठमाडौँ महानगरपालिकामा प्रमुख पदका लागि स्वतन्त्र उम्मेदवार बालेन शाहको अग्रता कायमै छ। मतगणना शुरु भएदेखि नै अग्रता बनाइरहेका शाहले अहिले सम्म कसैले पनि पछि पार्न सकेको छैन।
एक पछि अर्को वडाको मतपेटिका खुल्दा शाह नै अगाडी देखिरहेका छन्। मंगलबार बिहान शाहको मत १० हजार नाघेको छ। यो समाचार तयार पार्दा सम्म उनले १० हजार ४६ मत प्राप्त गरिसकेका छन्।
बालेनलाई नेकपा एमालेका केशव स्थापितले पछ्याइरहेका छन्। बालेनको भन्दा झन्डै आधा कम मत प्राप्त गरेका छन्। उनले पाँच हजार ३१४ मत प्राप्त गरेका छन्। उनी बालेन भन्दा चार हजार ७ सय ३२ मतले पछि छन्।
त्यस्तै तेस्रो स्थानमा रहेकी नेपाली कांग्रेसकी सिर्जना सिंहले अहिले सम्म मात्रै चार हजार ६४१ मत प्राप्त गरेकी छन्। उनी बालेन भन्दा ५ हजार ४०५ र स्थापित भन्दा ६ सय ७३ मतले पछि छिन्।
