एजेन्सी – क्याटलान क्लब बार्सिलोनाका फरवार्ड पिएर एमरिक औवामियाङले अन्तर्राष्ट्रिय फुटबलबाट सन्न्यासको घोषणा गरेका छन् । उनले गावोनको राष्ट्रिय टोलीबाट सन्न्यास लिएको पुष्टि गरेका छन् ।
झन्डै १३ वर्ष गावोनको राष्ट्रिय टोलीबाट खेलेका उनी पछिल्लो समय टोलीको कप्तानीसमेत रहेका थिए । ‘१३ वर्ष गावोनको राष्ट्रिय टोलीबाट खेलिसकेको छु । अब मैले बिदा लिने बेला भएको छ । म मेरो अन्तर्राष्ट्रिय करिअर समाप्तीको घोषणा गर्दैछु ।’ ३२ वर्षीय औवामियाङले भने, ‘म गावोनी जनता र सबैलाई भन्यवाद दिन चहान्छु, जसले मलाई खराव समयहरुमा पनि निकै राम्रो साथ दिए । म रोमनिस्पोर्ट्समा डेब्यु गरेको दिन, वा म फर्केको दिनको धेरै राम्रा सम्झनाहरू राख्नेछु ।’
‘म हाम्रो राष्ट्रपति, अली बोङ्गो ओन्डिम्बालाई धन्यवाद दिन्छु जसले सधैं प्यान्थर्सलाई समर्थन गर्नुभएको छ र सधैं हाम्रो देशमा फुटबलको विकासको लागि काम गर्नुभएको छ । म मेरा सबै प्रशिक्षकहरूलाई पनि धन्यवाद दिन चाहन्छु ।, स्टाफ र खेलाडीहरू जुन मैले यो करियरमा भेटेको छ ु। “अन्तमा, म मेरो बुबालाई धन्यवाद दिन्छु जसले मलाई उहाँ जस्तै गर्ने इच्छा दिनुभयो, उहाँलाई हाम्रो रंग लगाएर गर्व गर्नुहुनेछ ।’ औवामियाङले लेखेको पत्रमा उल्लेख छ ।
बार्सिलोना फरवार्ड औवामियाङले गावोनको राष्ट्रिय टोलीबाट ७२ क्याप जित्दा ३० अन्तर्राष्ट्रिय गोल गरेका छन् । वर्षको सुरुवातमा अफ्रिका कप अफ नेसन्सको समूह चरणबाटै बाहिरिएपछि उनले अन्तर्राष्ट्रिय खेलबाट सन्न्यास लिदै क्लब फुटबलमा ध्यान केन्द्रित गर्ने बताएका छन् ।
सन् २००९ मा फ्रान्सको यु–२१ टोलीबाट खेलेका औवामियाङले त्यसपछि गावोनको यु–२३ टोलीबाट खेलेका थिए । ४ जनवरी २०२२ मौरितानियासँगको मैत्रीपूर्ण खेल नै राष्ट्रिय टोलीबा औवामियाङको अन्तिम खेल बनेको छ ।
