एजेन्सी – क्याटलान क्लब बार्सिलोनाले स्पेनिस ला लिगाको सिजनको अन्तिम खेलमा घरेलु मैदानमा हार बेहोर्दै सिजनको अन्त्य गरेको छ ।
मिलान घरेलु मैदानमा भिल्लारियलसँग २–० ले पराजित भएको हो । बार्सिलोनाको मैदानमा भिल्लारियलको जितमा अलफन्सो पेडराजा र मोई गोमेजले गोल गरे ।
क्याम्प नोउमा आइतबार राति भएको खेलको ४१औं मिनेटमा अलफन्सो पेडराजाले गोल गर्दै भिल्लारियललाई सुरुवाती अग्रता दिलाए । उनले ड्यानियल पारेजोको पासमा गोल गर्न सफल भएका थिए । ५५औं मिनेटमा मोई गोमेजले गोल गर्दै घरेलुविरुद्ध २–० को जित दिलाए ।
यो जितसँगै भिल्लारियल ३८ खेलबाट ५९ अंक जोडेर सातौ स्थानमा रहँदै अर्काे सिजनको लागि युरोपा कन्फ्रेन्स लिगलाई छनोट भएको छ । पराजित बार्सिलोना ७३ अंक जोडेर दोस्रो स्थानमा रह्यो ।
यस्तै ला लिगाकै अर्काे खेलमा तेस्रो स्थानमा रहेको एट्लेटिको म्याड्रिडले रियल सोसिडाडलाई २–१ ले पराजित गरेको छ । एट्लेटिकोको जितमा रोड्रिगो डि पउल र एन्जल कोरेआले गोल गरे । सोसिडाडका जोन गुरिडीले एक गोल फर्काए । सोसिडाड ६२ अंक जोडेर छैटौं स्थानमा रह्यो ।
यस्तै अर्काे खेलमा सेभियाले एथलेटिको बिल्वाओलाई १–० ले पराजित गरेको छ । सेभियाको जितमा ६८औ मिनेटमा राफा मिरले गरेको गोल नै निर्णायक बन्यो । यो जितले सेभिया ७० अंक जोडेर तेस्रो स्थानमा रहँदा बिल्वाओ ५५ अंक जोडेर आठौं स्थानमा रह्यो ।
