एजेन्सी – इंग्लिस क्लब लिभरपुलले पोर्चुगिज युवा फरवार्ड फाबियो कार्भाल्होलाई अनुबन्ध गरेको छ । लिभरपुलले १९ वर्षीय फरवार्डलाई च्याम्पियनसिप क्लब फुलहमबाट अनुबन्ध गरेको हो ।
लिभरपुलले फुलहमबाट ८ मिलियन पाउन्डमा कार्भाल्होलाई अनुबन्ध गरेको हो । कार्भाल्हो जुलाई १ बाट लिभरपुलमा जोडिनेछ । कार्भाल्होले सन् २०२१–२२ को सिजन फुलहमका लागि ३६ खेलमा १० गोलसँगै आठ असिस्ट दिएका थिए । फुलहमका लागि उनले ५० खेल खेल्दा १२ गोल गरेका छन् ।
फुलहमले च्याम्पियनसिपको उपाधि जित्दा उनी टोलीका महत्वपूर्ण सहस्य रहेका थिए । उनले पोर्चुगलको यु–२१ टोलीबाट पनि खेलिसकेका छन् ।
