इटालियन विङ्गर लोरेन्जो इन्सिग्नेले फुटबल लिजेण्ड डिएगो म्याराडोनाका कारण अर्जेन्टिनाले कतारमा हुने विश्वकप जितेको हर्न चाहेको बताएका छन्। इन्सिग्ने हाल म्याराडोनाको पूर्व क्लब, नेपोली बाट खेल्छन्, तर गर्मीमा क्लब छोड्ने तयारीमा छन् किनकि उनी टोरन्टो एफसीबाट खेल्न एमएलएसमा सर्दै छन्।
वर्षको अन्त्यमा विश्वकपमा आफू कसको लागि रुट गर्ने भन्ने कुरा गर्दा, नापोली स्टारले लियोनल मेस्सी र अर्जेन्टिनालाई समर्थन गर्ने बताएका छन्। उनले मेस्सीलाई आफ्नो देशको लागि खेलेको देख्दा उनलाई म्याराडोनाको सम्झना दिलाउने बताएका छन्। इन्सिग्नेले म्याराडोना भन्दा पछि मेस्सीलाई इतिहासकै उत्कृष्ट खेलाडीको संज्ञा दिएका छन्।
गयराती भएको फाइनालीसिमा अघि बोल्दै, इन्सिग्नेले भने: “अर्जेन्टिनासँग लियो मेस्सी छ, जो मेरो लागि डिएगो म्याराडोना पछिको इतिहासमा उत्कृष्ट हुन्। विश्वकपमा सफलताको कामना गर्छु। अर्जेन्टिना देख्नु भनेको म्याराडोनालाई हेर्नुको पर्यायवाची हो।”
प्लेअफको सेमिफाइनलमा उत्तरी म्यासेडोनियासँग पराजित भएको युरोपेली च्याम्पियन इटालीका नापोली स्टार कतारमा हुने आगामी विश्वकपमा भाग लिने छैनन्। त्यसैले, नेपोली विङ्गरले म्याराडोनाका लागि अर्जेन्टिनाको लागि रुट गर्ने बताएका छन्।
बुधबार इटालीलाई ३-० ले पराजित गर्दै अर्जेन्टिनाले कोनमेबोल-युइएफए च्याम्पियनसिप उपाधि जित्न सफल भएको छ। अर्जेन्टिनाका लागि लाउटारो मार्टिनेज, डी मारिया र पाउलो डिबालाले एक-एक गोल गर्दा मेस्सीले दुई असिस्ट प्रदान गरेका थिए। यस उपाधिसँगै मेस्सीले आफ्नो अन्तराष्ट्रिय करियरमा दोस्रो उपाधि जित्न सफल भएका छन्।
