मेस्सी युरोपियन टोलीसँग खेल्न सक्दैनन् भन्नेलाई लोप्पा खुवाइदिए मेस्सीले !

एजेन्सी – कोपा अमेरिकाको च्याम्पियन टोली अर्जेन्टिनाले युरोपेली च्याम्पियन इटालीलाई पराजित गर्दै फाइनलिसिमाको उपाधि जितेको छ । कप्तान लिओनेल मेस्सीको उत्कृष्ट प्रदर्शनमा अर्जेन्टिनाले ३-० को सहज जित दर्ता गरेको हो ।

दक्षिण अमेरिकी च्याम्पियनका लागि लाउटारो मार्टिनेज, एन्जल डी मारिया र पाउलो डिबालाले १-१ गोल गरे । अर्जेन्टिनाको आक्रमणमा अधिकांश समय चलायमान देखिएका मेस्सीले २ असिस्ट दिँदा मार्टिनेजले पनि १ गोल निर्माण गरे । इंग्ल्यान्डको वेम्बली रंगशालामा पहिलो हाफमा नै टोलीले २-० को अग्रता लिएको थियो ।

खेलको २८ औं मिनेटमा अर्जेन्टिनाले मार्टिनेजको गोलमा अग्रता लिएको थियो । लिओनेल मेस्सीको कटब्याक पासमा मार्टिनेजले ६ यार्ड बक्सभित्र अनमार्क रहेको अवस्थामा सहजै गोल गरे । पहिलो हाफको इन्ज्युरी समयमा डी मारियाले अग्रता दोब्बर पारे । उनले मार्टिनेजको थ्रु बललाई पेनाल्टी क्षेत्र भित्रबाट उत्कृष्ट चिप प्रहार गर्दै गोल गरे ।

दोस्रो हाफको इन्ज्युरी समयमा डिबालाले गोल गर्दै सहज जित पक्का गरे । मेस्सीले अगाडी बढाएको बललाई डिबालाले पेनाल्टी क्षेत्र भित्रबाट प्रहार गर्दै गोल गरेका थिए । इटालीको डिफेन्सले फितलो प्रदर्शन गर्दा अर्जेन्टिनाले सहज जित दर्ता गरेको हो ।

यससँगै युरोपियन टोली विरुद्ध मेस्सीको रेकर्ड उत्कृष्ट हुँदै गएको छ । यसअघि आफ्नो डेब्यु खेलदेखि अहिलेसम्म गयराती इटाली विरुद्धको खेलपछि ३० खेल खेलेका छन् । जुन ३० खेलमा मेस्सीले गयराती २ असिस्ट प्रदान गरेपछि कुल १३ गोल र १० असिस्ट प्रदान गरेका छन् । यस्तोमा पूर्व बार्सिलोना कप्तानले युरोपियन टोली विरुद्ध राम्रो प्रदर्शन गर्न नसक्ने धेरैले आरोप लगाउँदै आएका छन् । तर बुधबारको प्रदर्शन र उनको तथ्यांक हेर्ने हो भने त्यसो कतै देखिँदिन।

यस्तो छ मेस्सीको युरोपियन टोली विरुद्ध प्रदर्शन (गयरातीको खेलअघि सम्मको तथ्यांक)