राति सुतेपछि सपना देख्नु स्वभाविक हो। तर कहिलेकाहीँ यी सपनाहरूले हामीलाई भविष्यका घटनाहरूको बारेमा सचेत गराउँछन्। रातिको सपनाले शुभ र अशुभ दुबै घटनाहरूको बारेमा चेतावनी दिन्छ। सपना शास्त्रमा हरेक सपनाको कुनै न कुनै अर्थ हुन्छ। यी सपनाहरू हाम्रो वास्तविक जीवनसँग सम्बन्धित हुन्छन् भन्ने विश्वास रहेको छ। धेरै पटक मानिसले सपनामा महिलालाई देख्छन्। सपना शास्त्रका अनुसार महिलालाई सपनामा देख्दा शुभ र अशुभ फल मिल्न सक्छ। जानौं सपनामा कुन महिलालाई देख्नु शुभ हुन्छ।
सपनामा कुनै महिलासँग कुरा गरेको देख्नु
सपना शास्त्रका अनुसार यदि कुनै पुरुषले सपनामा कुनै महिलासँग कुरा गरेको देख्यो भने त्यसको अर्थ समाजमा व्यक्तिको मान-सम्मान तथा इज्जत बढ्ने संकेत हो।
परी वा सुन्दर महिला देख्नु
यदि कुनै व्यक्तिले सपनामा सुन्दर महिला वा परी देखेमा यो पनि शुभ संकेत मानिन्छ। यस्तो सपनाले घरमा कलहबाट छुटकारा पाउन संकेत गर्दछ। साथै घरमा सुख शान्ति कायम रहन्छ। योसँगै आर्थिक अवस्थामा पनि सुधार हुने संकेत हुन्छ।
गहना लगाएको महिला देख्नु
यदि कसैले सपनामा एउटी महिलालाई गहना लगाएको देख्यो भने लामो समयदेखि रोकिएको काम पूरा हुन लागेको संकेत हुन्छ। त्यसैले हामीले सहि योजना बनाएर अघि बढ्नुपर्छ। यसो गर्नाले तपाईंले आफ्नो काममा इच्छित सफलता प्राप्त गर्नुहुनेछ।
बुढी महिला देख्नु
सपना शास्त्रका अनुसार सपनामा बुढी महिला देख्नु भयो भने बुझ्नुहोस् तपाईंको भाग्य छिट्टै खुल्दैछ। यसले धन प्राप्तिसँगै सामाजिक प्रतिष्ठामा वृद्धि हुने संकेत गर्छ। त्यसैले सपनामा वृद्धा देख्नु खुसीको कुरा हो।
