काठमाडौँ – नेपाल प्रहरीले अवैध वन्यजन्तु कछुवासहित दुईजनालाई पक्राउ गरेका छ। अवैध वन्यजन्तु कछुवाको अवैध कारोबार गरेको आरोपमा दुई जनालाई प्रहरीले पक्राउ गरेको हो।
पक्राउ पर्नेहरुमा काठमाडौँ कीर्तिपुर नगरपालिका–९ बस्ने २५ वर्षीय राज देउला र २० वर्षीय राहुल देउला रहेका छन्। उनीहरुलाई प्रहरी प्रभाग कोटेश्वरबाट खटिएको प्रहरी टोलीले आइतबार पक्राउ गरेको हो।
प्रहरीले दिएको जानकारी अनुसार प्रोटोवेलो क्याफेमा कछुवाहरुको ‘डिल’ हुँदै थियो। सो बारे सूचना मिलेपछि प्रहरी प्रभाग कोटेश्वरबाट खटिएको प्रहरी टोली प्रोटोवेलो क्याफे पुगेको थियो।
जिल्ला प्रहरी परिसर काठमाडौँका प्रवक्ता प्रहरी उपरीक्षक दिनेशराज मैनालीले काठमाडौँ महानगरपालिका–३२ कोटेश्वरस्थित प्रोटोवेलो क्याफे हाउसमा अवैधरुपमा कछुवा ओसारपसारमा संलग्न उनीहरुलाई पक्राउ गरिएको जानकारी दिए ।
प्रहरी पक्राउ उनीहरुसँग कछुवा १० वटा, विभिन्न कम्पनीका मोबाइल तीन थान, बा९९प ४९४४ नम्बरको मोटरसाइकल एक थान बरामद गरेको छ । पक्राउ परेका उनीहरुलाई प्रहरी प्रभाग कोटेश्वरको टोलीले अनुसन्धान गरिरहेको प्रवक्ता मैनालीले बताए ।
