काठमाडौँ, माघ २८ । मोडल शिव खड्का र करिष्मा ढकाल अभिनित ‘माछी खोलिमा’ बोलको म्युजिक भिडियो सार्वजनिक भएको छ ।
पछिल्लो समयमा चर्चा बटुल्न सफल मोडल शिव खड्काले यस अगाडी अभिनय गरेको म्युजिक भिडियोमा पनि सबै जनाले राम्रो प्रतिकृया दिएका थिए।
खड्काले ‘घर बार भाछैन’ बोलको गीत रहेको म्यूजिक भिडियोमार्फत रंगमञ्चको यात्रा प्रारम्भ गरेका थिए। उनले ‘तिमी भन्छौ’, ‘घर बार भाछैन’ र ‘माछी खोलिमा’ गरी तीन म्युजीक भिडियोमा अभिनय गरिसकेका छन्।
समिर आचार्य र प्रकाश अकेलाको प्रस्तुती रहेको यस गीतमा समिर आचार्य र सुनिता गिरिको स्वर रहेको छ। साथै यस गीतमा कृष्ण बस्यालको शब्द रचना, अर्जुन सापकोटाको लय रहेको छ। बेद आचार्य र सपना कुँवरको कोरस रहेको छ। भिडियोलाई कोरियोग्राफि र निर्देशन प्रतिक ङेसुरले गरेका छन्।
