काठमाडौँ – धादिङका हिमेश पन्त पहिलो कमेडी च्याम्पियन बनेका छन् । नेपालकै पहिलो कमेडी रियालिटी शोको रुपमा रहेको ‘कमेडी च्याम्पियन’मा अन्य दुई प्रतिष्पर्धीहरुलाई पछि पार्दै पन्त च्याम्पियन बनेका हुन्।
कमेडी च्याम्पियन बन्नेक्रममा धादिङ जुँगेखोलाका पन्तले अन्तिम तीनमा पुगेका खड्गबहादुर पुन र सुमन कोइरालाई पछि पारे। कमेडी च्याम्पियन बनेसँगै उनले नगद २५ लाख र कार लगायत अन्य पुरस्कारहरु हात पारेका छन्।
शनिबार काठमाडौँमा ‘कमेडी च्याम्पियन’काे ग्रान्ड फिनालेको क्रममा पन्त च्याम्पियन घोषित भएका हुन्। यस अगाडी राउण्ड अफ द विकमा छानिएर पन्त सिधै फाइनल प्रवेश गरेका थिए। ग्रान्ड फिनालेमा प्रमुख अतिथिको रुपमा हरिवंश आचार्य र मदनकृष्ण श्रेष्ठ उपस्थित थिए ।
‘कमेडी च्याम्पियन’मा सन्तोष पन्त, मनोज गजुरेल, प्रदीप भट्टराई र ऋचा शर्मा निर्णायकको रुपमा रहेका थिए भने सोको संचालिकाको रुपमा रिमा विश्वकर्माले थिइन् ।
