असार १२ काठमाडौँ , भदौ ६ गतेबाट नेपालभर प्रदर्शनमा आउन लागेको चलचित्र ‘जाइरा’ को ‘आँखाले बोल्छ’ बोलको रोमान्टिक गीत बिहिवार एक कार्यक्रमको आयोजना गरि सार्वजनिक गरिएको छ। आशुतोषराज श्रेष्ठको निर्देशनमा तयार भएको चलचित्रमा बाबु श्रेष्ठको छायांकन रहेको छ। आशुतोषकै कथा रहेको चलचित्रको संवाद भने आशुतोष र निरोज महर्जनको रहेको छ।
रवि मल्लको शब्द तथा कल्याण सिंहको संगीत रहेको उक्त सार्वजनिक गीतमा सन्तोष लामाले स्वर भरेका छन। सार्वजनिक गीतको भिडियोमा अनुप र नम्रतालाई रोमान्टिक अवतारमा देखिएको छ।
चलचित्र मार्सल आर्ट सिकेकी महिलाको कथामा आधारित रहेको छ। नायिका नम्रताले यसै चलचित्रको लागि ८ महिना मार्सल आर्ट समेत सिकेकी थिइन्। चलचित्र ‘जाइरा’ मा अनुप बिक्रम शाही , नम्रता श्रेष्ठ , प्रमोद अग्रहरी, रेमन दास श्रेष्ठ लगायतका कलाकारहरुको मुख्य अभिनय रहेको छ।
