एजेन्सी , बलिउड अभिनेत्री कंगना रनौत र राजकुमार राव अभिनित चलचित्र ‘जजमेंटल है क्या’ को बुधवार एक कार्यक्रमको आयोजना गरि ट्रेलर सार्वजनिक गरिएको छ। जहाँ कंगनालाई अत्यन्तै फरक अनि पृथक भूमिकामा देखिएको छ। ट्रेलर रिलिजको अवसरमा आयोजित कार्यक्रममा पुगेकी कंगनाले आफ्नो स्टाइलका कारण सबैको मन जितेकी थिइन् साथै प्रसस्त फोटोसुट समेत गराएकी थिइन्।
ट्रेलरमा कंगना र राजकुमारको केमेस्ट्रीलाई देख्न सकिन्छ। चलचित्रको शिर्षकको सवालमा डाक्टरहरुको चर्को बिरोधका कारण चलाचित्रको शिर्षक मेन्टल हैं क्या बाट परिवर्तन गरि जजमेन्टल हैं क्या राखिएको हो। जुन नामको घोषणा सेन्सर बोर्डको बैठक पश्चात गरिएको हो। चलचित्रलाई जितेन्द्रले निर्माण गरेका हुन्। चलचित्र जुलाई २६ देखि प्रदर्शनमा आउने बताईएको छ।
