काठमाडौँ – विश्वकै चर्चित गायन रियालिटी शो ‘अमेरिकन आइडल’मा छानिने पहिलो नेपालीको रुपमा रहेका दिवेश पोखरेल शिर्ष पाँचमा प्रवेश गरेका छन्। आइडलको १८ औँ संस्करणको उपाधि यात्रामा अघि बढ्ने क्रममा दिवेश उत्कृष्ट ५ भित्र पर्न सफल भएका हुन्।
उत्कृष्ट ७ प्रतिस्पर्धी बीचमा मतका आधारमा आइतबार सर्वाधिक मत ल्याउने उत्कृष्ट पाँच छनोट गरिएको हो । अमेरिकाको कन्सास राज्यको विचिटा शहरमा बस्दै आएका २२ वर्षीय दिवेशले अमेरिकन आइडलमा अर्थर गनको नामले प्रतिस्पर्धा गरेका हुन् ।
अब उनकाे यात्रा फाइनल चरणाका लागि हुनेछ। फाइनलमा प्रवेश गर्नेहरुका लागि भोटिङ खुला भइसकेको छ। कोरोना भाइरस संक्रमणका कारण अहिले प्रतिष्पर्धीहरु घरबाटै आफ्नो प्रस्तुति दिइरहेका छन्।
भोटिङ खुला भइसकेको हुँदा पोखरेलले भोटको अपिल गरेका छन्। सामाजिक संजाल मार्फत पोखरेलले भोटको अपिल गरेका हुन्। २ घण्टाको समयमा धेरै भोट पाउने नै विजेता हुने हुँदा सक्दो छिटो भोट गर्न उनको अपिल छ।
दिवेशको अमेरिकन आइडलमा सहभागितासँगै नेपाली समुदायमा पनि आइडलप्रति चासो बढेको छ । अमेरिकाको एबिसी टेलिभिजनबाट अमेरिकन आइडल कार्यक्रम प्रसारण हुँदै आएको छ ।
अमेरिकी च्यानल एबिसीबाट प्रसारण हुने ‘अमेरिकन आइडल’ मा छानिएका दिवेशको स्टेज नेम आर्थर गन हो । दिवेशले आर्थर गनको उपनामबाट स्टेजमा गाउँदै आएका छन् ।
