काठमाडौँ – बुधबार नेपालमा थप २५ जनामा कोरोना भाइरस संक्रमणको पुष्टि भएको छ। देशमा विभिन्न प्रयोगशालाहरुमा गरिएको परीक्षणका क्रममा बुधबार २५ जनामा कोरोना भाइरस संक्रमणको पुष्टि भएको हो।
बुधबार कोरोनाको पुष्टि भएकाहरु मध्ये ३ देखि ४८ वर्षका महिला र पुरुष छन्। स्वास्थ्य तथा जनसंख्या मन्त्रालयका अनुसार बुधबार थपिएका संक्रमितहरुमा ७ जना महिला र ३ वर्षे बालक सहित १८ पुरुष छन्।
स्वास्थ्य तथा जनसंख्या मन्त्रालयको नियमित पत्रकार सम्मेलनका क्रममा बाँकेको ६, धनकुटामा ५, कपिलबस्तुमा १३, नवलपरासी पश्चिममा १ जना संक्रमित भेटिको मन्त्रालयका प्रवक्ता डा विकास देवकोटाले जानकरी दिए। यससँगै नेपालमा कोरोना भाइरस सङ्क्रमितको कुल सङ्ख्या ४२७ पुगेको छ।
यस्तै विराटनगरस्थित कोशी अस्पतालमा उपचार गराइरहेका ८ जना व्यक्ति कोरोना संक्रमणमुक्त भएर घर फर्किएका छन्। यो सँगै नेपालमा कोरोना संक्रमण निको भएर घर फर्किनेको संख्या ४५ जना पुगेको छ
