काठमाडौँ – बस दुर्घटना हुँदा दैलेखमा एक जनाको ज्यान गएको छ। दैलेखको गुराँस गाउँपालिका स्थित घोडावासमा बस दुर्घटना हुँदा बुधबार एक जनाको ज्यान गएको हो।
ज्यान गुमाउनेमा कन्चनपुर स्थित भीमदत्त नगरपालिका-५ का ४० वर्षीय कल्याणसिंह बोहरा रहेका छन्। ज्यान गुमाउने व्यक्ति बस चालक रहेको छन्।
कन्चनपुरको गड्डा चौकी नाकाबाट दैलेखको तल्लो डुंगेश्वरका नागरिक ल्यायर आएको ना ५ ख १६८५ नम्बरको बस दुर्घटना भएको जिल्ला प्रहरी कार्यालय दैलेखले जनाएको छ। बस सडकबाट ३ सय मिटर तल खसेको प्रहरीको भनाई छ।
सोहि दुर्घटनामा परी बसका सहचालक घाइते भएका छन्। घाइते हुनेमा भीमदत्त नगरपालिका-५ का ३५ वर्षीय जयरा अवस्थी रहेका छन्। घाइते उनलाई सुर्खेत लगिएको छ।
