हाम्रै गाउँ-घर तिरका पाखा-पखेरामा पाइने तितेपातीको उपयोगिताको बारे अधिकांशलाई थाहा नहुन सक्छ। गाई-बस्तुका लागि स्याउला सोतरको रुपमा प्रयोग गरिने तितेपाती विशेष औषधीय गुणले भरिपुर्ण जडिबुटी हो।
तितेपातीसँग औषधीय गुण मात्र नभई धार्मिक मान्यता समेत जोडिएको छ। यसलाई घाउ-खटिरा, लुतो जस्ता छाला सम्बन्धि समस्याको निधानको लागि प्रयोग गर्न सकिन्छ।
यसका साथै कपालको चायाँ हटाउन, मधुमेह, पेट सम्बन्धि समस्या आदिका लागि समेत तितेपाती अति नै प्रभावकारी हुने गर्छ । तितेपातीलाई विभिन्न ठाउँ र परिवेश अनुसार आयुर्वेदिक औषधिको रुपमा परापुर्वकाल देखि प्रयोग गर्दै आइएको छ।
तितेपातिलाई कस्तो-कस्तो अवस्थामा प्रयोग गर्न सकिन्छ ? हेर्नुहोस् !
– शरीरका अनावश्यक दुषित किटाणुलाई नष्ट गर्न तितेपातिलाई प्रयोग गर्न सकिन्छ
-घाउ-खटिराको निधानको लागि पनि तितेपाति उपयोगी मानिन्छ
-यूरिक एसिड तथा ग्यास्ट्रिक भएकाहरुका लागि तितेपातिलाई फाइदाजनक हुन्छ
-पेट सम्बन्धि समस्याहरु जस्तै जुका , चुर्नाका लागि समेत तितेपतिको सेवन गर्नु उपयोगी हुन्छ
-छाला सम्बन्धि समस्या भएका लागि पनि यसको झोल बनाएर लगाउन सकिन्छ
-बाथ, पित्त तथा दमका समस्या भएकाहरुका लागि पनि तितेपतिको उपयोगी हुन्छ
– गाईको गहुतमा तितेपातिको झोल बनाई अन्न बालीमा प्रयोग गर्नाले किटाणु नष्ट हुन्छ
