काठमाडौँ – बुधबार कागेश्वरी मनोहरामा दुई जना व्यक्ति झुन्डिएको अवस्थामा फेला परेका छन्। कागेश्वरी मनोहरा नगरपालिका वडा नम्बर ९ स्थित शिवनगर मार्गमा डेरा गरी बस्ने एक महिला र एक पुरुष झुन्डिएको अवस्थामा फेला परेका हुन्।
झुन्डिएको अवस्थामा फेला पर्नेहरुमा अन्दाजी २२-२३ वर्षकी अस्मिता थापा र ३३-३४ वर्षका आसम मुसलमान रहेका छन्। प्रहरीका अनुसार उनीहरु पति-पत्नी भने होइनन्।
घरबेटी नभएको उक्त घरमा उनीहरु विगत ४ महिना देखि बस्दै आएका थिए। झुन्डिएको अवस्थामा फेला परेकी थापाको पहिलाका पतिसँग सम्बन्ध विच्छेद भइसकेको बताइएको छ। यधपी आसम भने सम्बन्ध विच्छेदको तयारीमा थिए।
घटनास्थलमा पुगेर प्रहरीले मुचुल्का उठाई कानुनी प्रक्रिया पूरा गरेर शव उठाउने तयारी गरिरहेको छ।
भक्तपुरलाई अपराधमुक्त जिल्ला बनाइने
महानगरीय प्रहरी परिसर भक्तपुरकी प्रमुख एवं प्रहरी उपरीक्षक तारादेवी थापाले भक्तपुरलाई अपराधमुक्त जिल्ला बनाउने बताएकी छन् । परिसरमा आज आयोजित सञ्चारकर्मीसँगको भेटघाट एवं परिचयात्मक कार्यक्रममा उनले भक्तपुरमा चोरी र सडक दुर्घटना न्यूनीकरण चुनौतीको विषय रहेको आफूले जानकारी पाएको चर्चा गर्दै यसलाई नियन्त्रण गर्न आफू फरक ढङ्गले लाग्ने बताइन्।
कार्यक्रममा परिसरका सूचना अधिकृत एवं प्रहरी नायब उपरीक्षक दीपक गिरीले अनुसन्धानलाई असर पर्ने र कतिपय केही दिन गोप्य राख्नुपर्ने घटना हतारिएर सम्प्रेषण नगरिदिन उनले आग्रह गरे। जगाती प्रहरी वृत्तका प्रहरी नायब उपरीक्षक चक्रराज जोशीले लकडाउन कायमै रहेकाले पास नभएका र आवश्यक प्रक्रिया पूरा नगरी पूर्वबाट आएका यात्रुलाई साँगा नाकाबाटै फर्काउने गरेको बताए। उनले काठमाडौंँका लागि झापादेखि विभिन्न जिल्ला पार गर्दै आएका यात्रुलाई साँगाबाट फर्काउनु पर्दा दुःख लाग्ने गरेको बताउँदै शुरुको पालिकाले नै प्रक्रिया नपुगेका सवारी साधनलाई काठमाडौंँ पठाउन रोक्नुपर्ने औल्याए ।
असार ८ गतेदेखि १४ गतेसम्म विभिन्न साधनामा काठमाडौँं आएका एक हजार ५०३ जनालाई साँगाबाट फर्काइएको बताउँदै प्रनाउ जोशीले लकडाउन शुरु भएपछि गाउँ फर्किएजस्तै अहिले काठमाडौँ फर्कनेहरुको लर्को लाग्ने गरेको बताए।
