काठमाडौँ साउन ०८ , केहि समय अघि मात्र अभिनेत्री पुजा शर्माले चलचित्र ‘पोइ पर्यो काले’ का लागि २० लाख पारिश्रमिक लिएको खबरले फिल्मी बजारमा चर्चा कमाएको समयमा फेरी उनले एक नया चलचित्रका लागि २० लाख पारिश्रमिक लिन लागेको खबर बाहिरिएको छ। पूजाले दर्जलिङ्गका निर्माताले निर्माण गर्ने लागेको नया चलचित्रका लागि २० लाख पारिश्रमिक लिन लागेकी हुन्। पुजाका अनुसार आफुले पेश्की रकम निर्माताको हातबाट लिइसकेको र बाँकि पैसा निर्माता नेपाल आएपछी कागजी रुपमा सम्झौता गरेर लिने बताएकी छिन्।
पूजाले चलचित्र ‘म यस्तो गीत गाउछु २ ‘ को छायांकन सकिना साथ नया चलचित्रको छायांकनमा जाने बताएकी छिन्। प्रेम कथामा आधारित हुने भनिएको चलचित्रमा पुजाका अपोजिटमा नायकका लागि आकाश खड्कासंग कुरा भईरहेको समेत बताईएको छ।
यो बर्ष पुजाका कार्तिक ७ गतेबाट पोई पर्यो काले प्रदर्शनमा आउने तयारीमा रहेको छ भने यसका साथै उनको म यस्तो गीत गाउँछु २ र सम्हालिन्छ कहिले मन’ पनि यहि बर्षमा नै दर्शनमा आउनेछ। भने दर्जलिङ्गको प्रोजेक्ट अर्को वर्ष प्रदर्शनमा आउने जानकारी रहेको छ।
