एजेन्सी – प्रसिद्ध कश्मीरी मोडल जुनैद शाहको निधन भएको छ। बलिउड अभिनेता रणबीर कपूरसँग हुबहु अनुहार मिलेका कारण चर्चामा रहेका उनको शुक्रबार निधन भएको भारतीय संचार माध्यमहरुले जनाएका छन्।
उनको कार्डिएक अरेस्टका कारण श्रीनगरको इलाही बागमा रहेको घरमा मृत्यु भएको बताइएको छ। उनको निधन बारे कश्मीरका प्रख्यात पत्रकार युसुफ जुनैदले ट्वीटर मार्फत जानकारी गराएका छन्।
यूसुफ जुनैदले आफ्नो आधिकारिक ट्विटर एकाउन्ट मार्फत ट्वीट गर्दै आफ्ना पूराना छिमेकि जुनैद शाहको कार्डिएक अरेस्टका कारणज्यान गएको उल्लेख गरेका छन्।
जुनैद शाह अभिनेता रणबीर कपूर जस्तै देखिन्थे। उनी रणबीर कपूरका ‘दुब्लिकेट’का रुपमा चर्चित थिए। रणबीरसँग अनुहार मिलेकै कारण चर्चा पाएपछि उनी मोड्लिंगमा लागेका थिए।
उनी सामाजिक संजालमा समेत सक्रिय थिए। सामाजिक संजालमा उनी रणबीर कपूर स्टाइल फलो गर्थे। रणबीरका दिवंगत पिता ऋषि कपूरले समेत सामाजिक संजालमा जुनैदको प्रशंसा गरेका थिए।
सन् २०१५ मा अभिनेता ऋषि कपूरले आफ्ना छोरा रणबीर र जुनैदको तस्विर एक साथ सार्वजनिक गर्दै आफ्ना छोराका ‘हमशकल’ देखेर खुशी लागेको बताएका थिए।
Our old neighbor Nissar Ahmed Shah’s son Junaid passed away due to massive cardiac arrest overnight. People say he was a lookalike of Bollywood actor Ranbir Kapoor.I say he was a big hope, strength & salvation of his ailing father and his mother & that of whole Kashmir. Magfirah! pic.twitter.com/uVVH3UGtnJ
— YusufJameelیوسف جمیل (@jameelyusuf) July 17, 2020
