महिनावारी हुँदा महिलाहरुले अनेक पीडादायी समस्याको सामना गर्नुपर्छ| यस मध्ये पेट बिग्रिने सामस्या पनि एक हो| प्राय: महिलाको महिनावारीको समयमा पेट बिग्रिन सक्छ| के कारणले हुन्छ त यस्तो?
हर्मोनल स्तर परिवर्तन
हर्मोनल चक्रको सुरु देखि ओभुलेशन सम्म एस्ट्रोजनले महत्त्वपूर्ण भूमिका खेल्छ। जबकि प्रोगेस्टेरोन हर्मोनले ओभुलेशन पछि महत्त्वपूर्ण भूमिका खेल्छ। महिनावारीको अवधिमा एस्ट्रोजन र प्रोगेस्टेरोन बीचको हर्मोनल अल्टरनेसनले ग्यासट्रोइन्टेस्टाइनल प्रणालीमा ठूलो प्रभाव पार्छ। महिलाको शरीरमा प्रोगेस्टेरोनको स्तरमा परिवर्तनको कारण महिलाहरू प्राय: आन्द्रासँग सम्बन्धित गडबडी वा पखालाबाट ग्रस्त हुन्छन्| अर्कोतर्फ, जब प्रोगेस्टेरोनले आन्द्राको मांसपेशीलाई आराम दिन्छ। यसको परिणाम कब्जियत हुन्छ। यी सबै चीजहरूले पेटमा ग्याँस बनाउँछ।
एसिडको कारण
महिनावारी सुरु हुनुभन्दा ठिक अघि महिलाको गर्भाशयको भित्री अस्तरले एसिडको एक प्रकार छोड्छ। यो एसिडले हर्मोनको जस्ता कार्य गर्छ। यस एसिडको नाम प्रोस्टाग्ल्यान्डिन हो। यसले गर्दा गर्भको भित्री अस्तर संकुचन हुन्छ। जसले गर्दा रगत बाहिर आउन सक्छ| यदि प्रोस्टाग्ल्यान्डिनको मात्रा बढ्यो भने यो नसाहरूमा पुग्छ जसको कारण मांसपेशिमा संकुचन हुन्छ। यसले पाचन प्रक्रियालाई पनि असर गर्छ।
समाधान
- पानीको अत्याधिक सेवन गर्नुहोस्|
- कब्जियतबाट बच्न व्यायाम गर्नुहोस्|
- क्याफिन र कोल्ड ड्रिंक पिउनबाट बच्नुहोस्|
- ग्यासको समस्याको लागि डाक्टरको सल्लाह अनुसार औषधि लिन सकिन्छ|
