एजेन्सी – कुनै समयमा एक प्रकारले करियर नै डामाडोल भैसकेका भारतीय कमेडियन कपिल शर्मा पुन पूरानै लयमा फर्किसकेका छन्।
केहि समय गुमनाम जस्तै भएका कपिल अहिले ‘द कपिल शर्मा’ ( The Kapil Sharma Show ) शो’ चलाउँछन्। यस कमेडी शो अहिले भारतकै सबै भन्दा धेरै हेरिने टेलिभिजन कार्यक्रम भित्र अटाउने गरेको छ।
सुनिल ग्रोभरसँगको विवाद पछि ओरालो लाग्न थालेको कपिलको करियर विवाह पछि पुन : उकालो लाग्न शुरु भएको हो। विवाह भए लगतै उनले सलमान खानको पनि साथ पाए।
सलमानले नै ‘द कपिल शर्मा’ ( The Kapil Sharma Show ) शो’मा लगानी गरिदिएका हुन्। यस अर्थमा कपिलको भाग्य विवाह पछि चम्किएको छ।
यति मात्र नभई हालसालै कपिलले एक हलीवुड प्रोजेक्टमा पनि काम पाउने पक्का पक्कि भएको छ। मिडिया रिपोर्टका अनुसार हलीवुडको सुपरहिट एनीमेटेड फिल्म ‘एंग्री बर्ड २’मा लीड रोल रेडको भूमिकामा आवाज दिन कपिललाई प्रस्ताव गरीएको छ।
पिंकभिलाको रिपोर्टका अनुसार कपिल शर्मा ‘एंग्री बर्ड 2’ को हिन्दी भर्जनमा आफ्नो आवाज दिनेछन्।
