काठमाडौँ – बिहिबार देशभर ३ सय भन्दा बढी व्यक्तिमा कोरोना भाइरस संक्रमणको पुष्टि भएको छ। देशभरका विभिन्न प्रयोगशालामा गरिएको परीक्षणबाट ३ सय ६० जनामा कोरोनाको पुष्टि भएको हो।
बिहिबार मन्त्रालयको नियमित प्रेस ब्रिफिङका क्रममा मन्त्रालयका प्रवक्ता डाक्टर जागेश्वर गौतमले उक्त संख्यामा नयाँ संक्रमित भेटिएको जानकारी दिए। यससँगै नेपालमा संक्रमितको संख्या २१ हजार ७ सय ५० पुगेको छ। उनका अनुसार सक्रिय संक्रमितको संख्या ६ हजार २९६ पुगेको छ । पछिल्लो २४ घण्टामा देशभर ६ हजार ६ सय २२ जनाको पीसीआर परीक्षण गरिएको थियो ।
पछिल्लो २४ घण्टामा २ सय ३३ जना संक्रमित निको भएका छन् भने अहिलेसम्म नेपालमा १५ हजार ३ सय ८९ जना कोरोना संक्रमित उपचारपछि निको भएर घर फर्केका छन् ।
