काठमाडौँ : कट्रिना कैफ लामो समय बलिउड चलचित्र उद्योगमा सक्रिय छिन्। शाहरुख खान, आमिर खान, सलमान खान, अक्षय कुमार, ऋतिक रोशन जस्ता तमाम अभिनेताहरुसँग थुप्रै चलचित्रहरुमा काम गरिसकेकी छिन्।
यी सबै अभिनेताहरुसँग कट्रिनाको जोडी खुबै जमेको पनि थियो र थुप्रै हिट फिल्महरु उनले दिएकी छिन्।
४०-५० वर्ष उमेर पार गरिसकेका अभिनेताहरुसँग काम गरेर उनी शायद वाक्क-दिक्क भएकी हुनुपर्छ। त्यसैले उनले युवा अभिनेताहरुसँग काम गर्ने इच्छा रहेको कुरा खुलाएकी छिन्। रणवीर कपूर र सिद्धार्थ मल्होत्राको साथमा फिल्ममा उनले काम गरिसकेकी छिन्।
अब उनी टाइगर श्रफ र रणवीर सिंहसँग फिल्ममा काम गर्न चाहन्छिन्। यस बारे कट्रिनाले नेहा धुपियाको च्याट शो ‘बिएफएफ विथ भोग’ मा मुख खोलेकी हुन्। एजेन्सी
