एजेन्सी – फ्रान्सेली क्लब पेरिस सेन्ट जर्मेन (पीएसजी) का ब्राजिली स्टार फरवार्ड नेयमारले च्याम्पियन्स लिगको फाइनल खेल्न पाउने भएका छन् ।
युरोपेली फुटबलको सर्वाेच्च निकाय (यूईएफए) ले युइएफएको कोरोना प्रोटोकल तोडेका नेयमारलाई चेतावानी मात्रै दिँदै कारवाही नगर्ने बताएपछि फाइनल खेल्न पाउने भएका हुन् । पीएसजीले आइतबार राति जर्मन क्लब बायर्न म्युनिखसँग प्रतिस्पर्धा गर्दैछ । खेल पोर्चुगलको लिस्वनमा हुनेछ ।
पीएसजीले जर्मन क्लब आरबी लाइप्जिगमाथि तथा बायर्नले फ्रान्सेली क्लब लियोनमाथि समान ३–० को जत निकाल्दै फाइनलमा स्थान बनाएको थियो । पीएसजीले लाइप्जिगमाथि ३–० को जित निकालेपछि नेयमारले लाइप्जिगका डिफेन्डर मार्सेल हेलस्टेनबर्गसँग जर्सी साटासाट गरेका थिए ।
यूईएफएको कोरोना प्राटोकल तोडेका कारण नेयमारलाई एक खेलको प्रतिबन्धसँगै १२ दिनको अनिवार्य सेल्फ आइसोलेसनमा राख्ने अनुमान गरिएको थियो । युइएफएको ३१ पेजको प्रोट्रोकलमा खेलाडीलाई मैदानमै आफ्नो जर्सी नउतार्न जोड दिने बताएको थियो ।
कोरोना नियमअनुसार कुनै नियम तोडेमा एक खेलको प्रतिबन्ध र १२ दिन क्वारेन्टाइनमा बस्नुपर्ने सजाय राखिएको थियो । तर जर्सी साटासाट गर्न नपाइने भन्दापनि नगर्न सुझाव मात्र भएकाले कारवाही नगर्ने भएको हो ।
