काठमाडौँ – बुधबार पनि सुनको मूल्य घटेको छ। आइतबार देखि लगातार घटिरहेको सुनको मूल्य आज पनि घटेको हो। मंगलबारको तुलनामा सुनको मूल्य आज प्रतितोला ४ सय रुपैंयाले घटेको छ।
नेपाल सुनचाँदी व्यवसायी महासङ्घका अनुसार आज छापावाला सुनको मूल्य प्रतितोला रु ९६ हजार ८ सय तोकिएको छ । मंगलबार सुनको मूल्य रु ९७ हजार २ सय थियो। यस्तै आज तेजाबी सुनको मूल्य प्रतितोला ९६ हजार ३ सय निर्धारण गरिएको छ ।
सुनको मूल्यले साउन महिनामा रेकर्ड बनाएको थियो। त्यस समयमा सुनको मूल्य लाख कटेर १ लाख ३ हजार ५ सय सम्म पुगेको थियो। त्यस यता सुनको मूल्य लगातार घटबढ हुँदै आएको छ।
आज चाँदीको मूल्यपनि घटेको छ। प्रतितोला १० रुपैंयाले घटेर चाँदी प्रतितोला एक हजार ३ सय १० मा कारोबार भैरहेको छ।
