एजेन्सी – बलिउड सुपर स्टार सलमान खानका समर्थकहरु विश्वभर छन्। ५३ सालमा पनि ज्यादै सक्रिय र उर्जाशिल रहेका सलमान आफ्नो हरेक चलचित्रबाट नयाँ-नयाँ छाड्छन्।
उनी बलिउडकै सबै भन्दा ठूलो स्टारपावर मानिन्छन्। उनका हरेक चलचित्रले राम्रै कमाइ गर्ने गरेका छन्। सबै भन्दा धेरै कमाउने बलिउड चलचित्रको सूचीमा पनि सबै भन्दा धेरै सलमानकै चलचित्र छन्।
सलमानको स्टारपावर बलिउडलाई मात्र नभई सलमानसँग अनुहार मिल्ने केहि व्यक्तिहरुलाई पनि मिलेको छ। सलमानसँग अनुहार मिल्ने भएकै कारण केहि व्यक्तिहरु चर्चित हुन सफल भएका छन्। सलमानसँग अनुहार मिल्ने ३ व्यक्तिहरु निम्न छ।
परवेज काजी
दुरुस्तै सलमान जस्तै देखिने परवेज काजी एक मोडेल हुन्। उनले कयौं विज्ञापनहरुमा काम गरिसकेका छन्। सलमानसँग अनुहार मिल्ने हुँदा परवेज सलमानका चलचित्रमा पनि देखिने गरेका छन्। उनको कद कांठी सबै सलमानसँग मिल्छ। सलमानको चलचित्रको लागि उनले अहिले सम्म कयौं स्टन्टहरु गरिसकेका छन्।
नजीम खान
केहि हद सम्म अनुहार सलमानसंग मिल्ने नजीम खान खास अफगानिस्तानबाट हुन् । उनको अनुहार धेरै हद सम्म सलमानसँग मिल्छ। सलमान भन्दै धेरै कम उमेरका उनले सानै उमेरमा जिमिंग शुरु गरेका थिए। सलमानसँग अनुहार मिल्ने हुँदा उनले पनि सलमानसंग काम गर्ने मौका पाएका थिए।
हसनैन सलीम
सलमानसँग अनुहार मिल्ने एक व्यक्ति पाकिस्तानमा पनि छन्। उनको नाम हसनैन सलीम हो। सलमानसंग अनुहार मिलेकै कारण उनी पाकिस्तानमा धेरै चर्चित छ। उनी यति चर्चित छन् की सडकमा निक्लने बितिकै उनलाई हेर्नेहरुको भिड लाग्ने गरेको छ।
