एजेन्सी – बराक ओबामा तथा उनकी श्रीमती मिसेल ओबामा विश्वको सबै भन्दा बढी मन पराइएका पुरुष र महिला चुनिएका छन्।
एक बेलायती इन्टर्नेट आधारित भएर बजार अनुसन्धान तथा डाटा विश्लेषण गर्ने कम्पनि ‘युगोभ’ले गरेको सर्वेक्षणका क्रममा बराक ओबामा तथा उनकी श्रीमती मिसेल ओबामा विश्वको सबै भन्दा बढी मन पराइएका पुरुष र महिला चुनिएका हुन्।
‘युगोभ’ले सन् २०१४ देखि लगातार यस किसिमको सर्वेक्षण गर्दै आएको छ। उक्त सर्वेक्षणमा माइक्रोसफ्टका सह-संस्थापक बिल गेट्सलाई पछि पार्दै ओबामा सबै भन्दा बढी मन पराइएका पुरुष चुनिएको ‘युगोभ’ले जनाएको छ।
ओबामा पछि सबै भन्दा बढी मनपराइएका पुरुषको सूचीको दोस्रो स्थानमा बिल गेट्स परेका छन्।
यस्तै उक्त सर्वेक्षणबाट चीनका राष्ट्रपति सी जिन पिङलाई विश्वको सबै भन्दा मनपराइएका तेस्रो व्यक्तिको रुपमा चुनिएका छन्। यस्तै भारतका प्रधानमन्त्री नरेन्द्र मोदीले चौथो स्थान प्राप्त गरेका छन्।
महिला तर्फ मिसेल ओबा अगाडी
सर्वेक्षणमा सहभागी भएकाहरुले मिसेल ओबालाई सबै भन्दा बढी मन पराइएकी महिलाको रुपमा चुनेको ‘युगोभ’ले जनाएको छ। उसका अनुसार हलिउड अभिनेता एन्जलिना जोली दोस्रो स्थानमा रानी एलिजाबेथ दोस्रो तेस्रो स्थानमा रहेका छन्।
