काठमाडौँ साउन १४ , भदौ १३ देखि प्रदर्शनमा आउने भनिएको रामबाबु गुरुङ निर्देशित चलचित्र ‘कबड्डी कबड्डी कबड्डी’ को प्रदर्शन मिति असोज ३ मा सारिए पछि असोज ३ मा नै प्रदर्शन हुने भनिएको अर्को चलचित्र ‘छ माया छपक्कै’ को पनि रिलिज डेट २ हप्ता पर सारिएको छ। जानकारीमा आए अनुसार ‘छ माया छपक्कै’ असोज १७ गते देखि प्रदर्शन हुने छ सोहि मितिमा सम्राज्ञी अभिनित ‘रातो टिका निधारमा’ पनि प्रदर्शन हुने बताईएको छ।
सम्राज्ञी र पुष्प खड्का अभिनित फिल्म ‘मारूनी’ ‘कबड्डी कबड्डी कबड्डी’ को रिलिज डेट परिवर्तन गरिए पछि भदौ १३ मा प्रदर्शन हुने एक मात्र डोमेस्टिक फिल्म बन्न पुगेको छ।
तथापी साउथ स्टार प्रभास अभिनित ‘साहो’ पनि भदौ १३ मा नै प्रदर्शन हुने भएकाले मारुनीलाई समस्या पर्ने देखिन्छ। यद्धपि ‘कबड्डी कबड्डी कबड्डी’ को प्रदर्शन मिति परिवर्तन हुनाले हरेक प्रतिक्षित फिल्मको प्रदर्शन मिति परिवर्तन हुन पुगेको छ।
असोज ३ मा सुशील श्रेष्ठ स्टारर लभ डायरीजसंगै ‘कबड्डी कबड्डी कबड्डी’ प्रदर्शन हुदै छ भने असोज १७ देखि ‘छ माया छपक्कै’ का साथमा अशोक शर्मा निर्देशित ‘रातो टिका निधारमा’ प्रदर्शन हुदै छ।
