काठमाडौँ – पछिल्लो २४ घण्टामा नेपालमा ३ हजार भन्दा बढीमा कोरोना सङ्क्रमण पुष्टि भएको छ । देशभर रहेका विभिन्न प्रयोगशालामा गरिएको परीक्षणबाट आज ३ हजार ५५६ कोरोना भाइरस संक्रमणको पुष्टि भएको हो।
स्वास्थ्य तथा जनसंख्या मन्त्रालयको नियमित प्रेस ब्रिफिङमा क्रममा प्रवक्ता डा. जागेश्वर गौतमले देश भर ३ हजार ५५६ जनामा कोरोना भाइरस संक्रमणको पुष्टि भएको जानकारी दिए। योसँगै देशभर हालसम्म संक्रमित हुनेको संख्या १ लाख १५ हजार ३५८ पुगेको छ।
विगत २४ घण्टामा १५ हजार ५७७ जनाको पिसिआर परीक्षण गरिएकोमा ३ हजार ५५६ जनामा कोरोना पुष्टि भएको हो।
यस्तै पछिल्लो २४ घण्टामा १ हजार ५०३ जना कोरोना मुक्त भएको छ। जससँगै कोरोनामुक्त हुनेको सङ्ख्या ७८ हजार ७८० पुगेको छ । हाल देशभर ३५ हजार ९१५ जना सक्रिय सङ्क्रमित रहेका छन्।
हाल देशभर १५ हजार ४८ संस्थागत आइसोलेशन र २० हजार ८६७ जना होम आइसोलेशनमा रहेका छन् ।
मुलुकभर हालसम्म कोरोना संक्रमणको कारण मृ-त्यु हुनेको संख्या ६६३ पुगेको छ। पछिल्लो २४ घण्टामा मुलुकभर थप १८ जनाको ज्यान गएसँगै मृ-त्यु हुनेको संख्या ६०० पुगेको हो।
