एजेन्सी – “टी-सीरीज” युट्युबकै सबै भन्दा धेरै ससक्राइबर भएको च्यानल हो। “टी-सीरीज”का युट्युबमा करिब १६ करोड ससक्राइबर छन्।
युट्युब वर्ल्डमा नम्बर एक च्यानलको स्थान पाउनको लागि “टी-सीरीज”ले ठूलो संघर्ष गरेको थियो। पहिला सबै भन्दा धेरै ससक्राइबर भएको च्यानल “प्यूडीपाई”लाई पछि पार्दै “टी-सीरीज” सबै भन्दा धेरै ससक्राइबर भएको युट्युब च्यानल बन्न सफल भएको हो।
“टी-सीरीज” एक म्युजिक रेकर्ड लेबल हो। यसका मालिक हुन्, भूषण कुमार। पिता गुलसन कुमारले स्थापना गरेको “टी-सीरीज”लाई भूषण कुमारले नै अहिलेको स्थान सम्म ल्याइपुर्याएका हुन्।
भूषण चलचित्र निर्माण, गीत निमाण साथै कम्पोज पनि गर्छन्। वैवाहरिक जीवनको कुरा गर्नु पर्दा भूषणको विवाह दिव्या खोसलासँग भएको थियो।
दिव्यासँग भूषणको विवाह सन् २००५ मा भएको थियो। पंजाबी परिवारको दिव्याको बिहे भन्दा पहिला नाम दिव्या दुआ थियो। भूषण र दिव्याको ८ वर्षीय एक छोरा रूहान कुमार पनि छन्। दिव्या पति भूषण र परिवारसँग दिल्ली बस्दै आएकी छन्।
सुन्दरतामा चल्तीकै नायिकाहरुलाई समेत पछि पार्ने दिव्याले चलचित्रमा पनि काम गरिसकिन्। दिव्याले नायिकाको रुपमा २००४ मा आएको फिल्म ‘अब तुमारे हवाले वतन साथियों’बाट देब्यू गरेकी थिइन्।
सिनेम्याटोग्राफी र सम्पादन पनि सिकेकी दिव्याले डायरेक्टरको रुपमा पनि काम गरि सकेकी छन्। सन् २०१४ मा निर्देशकको रुपमा चलचित्र ‘यारिया’बाट देब्यू गरेकी थिइन्।
तस्विर : दिव्याको इन्स्टाबाट
